ទៅសៀមរាប! កុំរំលងកន្លែងបាញ់ធ្នូ «បន្ទាយជ័យ៨០២» នៅស្រុកប្រាសាទបាគង
ក្នុងឱកាសពិធីបុណ្យភ្ជុំ ចាប់ពីថ្ងៃទី១៦-១៨ កញ្ញា ភ្ញៀវទេសចរដែលមានបំណងទៅកម្សាន្តនៅខេត្តសៀមរាប មិនគួររំលងកន្លែងបាញ់ធ្នូ «បន្ទាយជ័យ៨០២» ស្ថិតនៅស្រុកប្រាសាទបាគង។ «បន្ទាយជ័យ៨០២» ជាទីតាំងបាញ់ធ្នូ មានទាំងធ្នូបុរាណ និងសម័យ ដែលសាធារណជន អាចបាញ់លេងកម្សាន្ត និងឈ្វេងយល់បន្ថែមអំពីធ្នូ។ ក្រៅជាទីតាំងបាញ់ធ្នូ «បន្ទាយជ័យ៨០២» មានផ្ដល់សេវាកម្មដូចជា អាហារដ្ឋាន, ការស្នាក់នៅក្នុងផ្ទះទ័ពបុរាណ និងបោះតង់ជាដើម។
ចាប់ពីម៉ោង ៨ព្រឹក ដល់ម៉ោង ៦ល្ងាច «បន្ទាយជ័យ៨០២» បានបើកទ្វាររង់ចាំភ្ញៀវទេសចរមកបាញ់ធ្នូកម្សាន្ត, ទទួលទានអាហារបែបស្រុកស្រែ និងស្នាក់នៅផ្ទះទ័ពបុរាណ រួមទាំងបោះតង់ជាដើម។ លើសពីនេះ «បន្ទាយជ័យ៨០២» មានផលិតសព្វាវុធបុរាណរួមមាន ធ្នូ ដាវ លំពែង ផ្គត់ផ្គង់សម្ភារកីឡាបាញ់ធ្នូ និងប្រហុកអង្គ្រង (ប្រហុកបន្ទាយទ័ព)។
បន្ទាយជ័យ៨០២ មានទីតាំងស្ថិតនៅភូមិស្ទឹង ស្រុកប្រាសាទបាគង ខេត្តសៀមរាប។ ភ្ញៀវទេសចរជាតិ-អន្ដរជាតិអាចទំនាក់ទំនងទៅកាន់បុគ្គលិកផ្នែកទីផ្សារតាមរយៈលេខទូរសព្ទ ០៩៨ ៩៥៥ ៦៤៤ និង ០១២ ៩៥៥ ៦៤៤ ដើម្បីសាកសួរពីប្រភេទសេវាកម្មផ្សេងៗ៕
សូមអញ្ជើញទស្សនារូបភាពខាងក្រោម៖
_1597226548.JPG)
