ខ្វះក្រុមហ៊ុនអាកាសចរណ៍ ធ្វើឱ្យកម្ពុជា មានទេសចរអន្តរជាតិតិចជាងប្រទេសជិតខាង
សៀមរាប៖ វិស័យអាកាសចរណ៍ ជាវិស័យស្នូល និងផ្តល់អាទិភាពចម្បង បន្ទាប់ពីការធ្វើដំណើរតាមផ្លូវគោក និងទឹក។ នាបច្ចុប្បន្ន ការហោះហើរនៅកម្ពុជា គឺមិនមានភាពល្អប្រសើរនោះឡើយ បើធៀបនឹងវិស័យអាកាសចរណ៍ប្រទេសជិតខាង។ លោក ឌុច សារ៉េត អនុប្រធានសមាគមទេសចរណ៍កម្ពុជា បានលើកឡើងថា ប្រទេសជិតខាងមានដៃគូក្រុមហ៊ុនអាកាសចរណ៍ច្រើន សម្រាប់ដឹកភ្ញៀវ។ បណ្តាប្រទេសទាំងនោះ បានវិវត្តខ្លួនទៅមុខ ដោយឡែកកម្ពុជា ទើបតែចាប់ផ្តើមកសាងព្រលានយន្តហោះ ដូច្នេះវិស័យអាកាសចរណ៍មិនមាននិរន្តរភាពនៅឡើយ។ លោក បន្ដថា កម្ពុជាកំពុងខ្វះធនធានច្រើនក្នុងវិស័យនេះដូចជា កង្វះជើងហោះហើរត្រង់ ពិសេសក្រុមហ៊ុនអាកាសចរណ៍ ដែលហេតុផលទាំងនេះ ធ្វើឱ្យកម្ពុជា មានទេសចរអន្តរជាតិតិចជាងប្រទេសជិតខាង។
ដើម្បីជ្រាបកាន់តែច្បាស់ សូម លោក អ្នកនាង អញ្ជើញទស្សនាវីដេអូដូចតទៅ៖
