ដោយ៖ សុង សុធាវី
ភ្នំពេញ៖ កញ្ញា យក់ ដាណែត គឺជាគ្រូពេទ្យមួយរូប ហើយក៏ជាម្ចាស់អាជីវកម្មផ្គត់ផ្គង់ឯកសណ្ឋានពេទ្យ ឈ្មោះថា Medical Fashion Shop ដែលមាន៣សាខានៅរាជធានីភ្នំពេញដែរ។ គ្រូពេទ្យវ័យ ២៨ឆ្នាំរូបនេះ បានប្រាប់កម្មវិធី «គំនិតថ្មី» នៃសារព័ត៌មានថ្មីៗថា មូលហេតុដែលខ្លួនសម្រេចចិត្តបើកជំនួញមួយនេះ ព្រោះក្នុងនាមជាអ្នកធ្វើការក្នុងផ្នែកសុខាភិបាលផ្ទាល់ កញ្ញាពិបាកស្វែងរកទិញឯកសណ្ឋានពេទ្យដែលត្រូវចិត្ត និងត្រូវចំណាយពេលវេលាច្រើន ក្នុងការវាស់កាត់ឯកសណ្ឋានពេទ្យ។ ដូចនេះទើបកញ្ញា សម្រេចចិត្តបើកជំនួញនេះ ដើម្បីបំពេញតម្រូវការទីផ្សារមុនគេតែម្តង។
ដើម្បីជ្រាបកាន់តែច្បាស់ សូមលោកអ្នកនាងទស្សនាបទសម្ភាសន៍ រវាងកញ្ញា សុង សុធាវី អ្នកសម្របសម្រួល កម្មវិធី«គំនិតថ្មី» និងកញ្ញា យក់ ដាណែត ម្ចាស់ហាង Medical FashionShop ដូចតទៅ៖
ក្រៅពីធ្វើការផ្នែកសុខាភិបាល កញ្ញា ដាណែត បើកហាងលក់ឯកសណ្ឋានពេទ្យក្រៅពីធ្វើការផ្នែកសុខាភិបាល កញ្ញា ដាណែត បើកហាងលក់ឯកសណ្ឋានពេទ្យ ព្រោះងាយយល់ពីតម្រូវការអតិថិជន =========================== កញ្ញា យក់ ដាណែត គឺជាគ្រូពេទ្យមួយរូប ហើយក៏ជាម្ចាស់អាជីវកម្មផ្គត់ផ្គង់ឯកសណ្ឋានពេទ្យ ឈ្មោះថា Medical Fashion Shop ដែលមាន៣សាខានៅរាជធានីភ្នំពេញដែរ។ គ្រូពេទ្យវ័យ ២៨ឆ្នាំរូបនេះ បានប្រាប់កម្មវិធី «គំនិតថ្មី» នៃសារព័ត៌មានថ្មីៗថា មូលហេតុដែលខ្លួនសម្រេចចិត្តបើកជំនួញមួយនេះ ព្រោះក្នុងនាមជាអ្នកធ្វើការក្នុងផ្នែកសុខាភិបាលផ្ទាល់ កញ្ញាពិបាកស្វែងរកទិញឯកសណ្ឋានពេទ្យដែលត្រូវចិត្ត និងត្រូវចំណាយពេលវេលាច្រើន ក្នុងការវាស់កាត់ឯកសណ្ឋានពេទ្យ។ ដូចនេះទើបកញ្ញា សម្រេចចិត្តបើកជំនួញនេះ ដើម្បីបំពេញតម្រូវការទីផ្សារមុនគេតែម្តង។ តើកញ្ញាបង្កើតហាងទាំងបីសាខានេះឡើងក្នុងរូបភាពបែបណាខ្លះ ក្នុងនាមជាគ្រូពេទ្យម្នាក់? កម្មវិធី «គំនិតថ្មី» នៃសារព័ត៌មានថ្មីៗ បានអញ្ជើញ កញ្ញា យក់ ដាណែត ចូលរួមជាវាគ្មិន ដើម្បីពិភាក្សាលើប្រធានបទនេះ។ សូមលោកអ្នកនាងទស្សនាបទសម្ភាស រវាង កញ្ញា យក់ ដាណែត ម្ចាស់ហាងលក់សណ្ឋានពេទ្យ Medical Fashion Shop ជាមួយ កញ្ញា សុង សុធាវី អ្នកសម្របសម្រួលកម្មវិធី «គំនិតថ្មី» នៃសារព័ត៌មានថ្មីៗ ដូចតទៅ៖ #ThmeyThmey #ThmeyThmey25 #ថ្មីៗ ផលិតដោយសារព័ត៌មានអេឡិចត្រូនិកថ្មីៗ សម្ភាស៖ សុង សុធាវី ថត៖ ងាវ ច័ន្ទគ្រឹស្នា កាត់ត៖ ងាវ ច័ន្ទគ្រឹស្នា
-- ThmeyThmey Social Media: Youtube: https://bit.ly/2RNzknr Instagram: https://bit.ly/32QSFup Twitter: https://bit.ly/3iTsTuS Web: https://bit.ly/3hPEU3q Facebook: https://bit.ly/2FGyvKY Posted by Thmey Thmey 25 on Thursday, April 21, 2022
កញ្ញា យក់ ដាណែត បច្ចុប្បន្នគឺជាម្ចាស់ហាង Medical Fashion Shop ដែលគ្រូពេទ្យរូបនេះ បានបង្កើតឡើងតាំងពីនៅជានិស្សិតម្ល៉េះ។ កញ្ញា យក់ ដាណែត បានប្រាប់កម្មវិធី«គំនិតថ្មី» នៃសារព័ត៌មានថ្មីៗថា មូលហេតុដែលកញ្ញាសម្រេចចិត្តបើកអាជីវកម្មនេះ ព្រោះតែចិត្តស្រលាញ់ និងឧប្បនិស្ស័យជ្រាលជ្រៅក្នុងការធ្វើជំនួញ បើទោះបីជាមិនមានការគាំទ្រពីក្រុមគ្រួសារក៏ដោយ។ ទន្ទឹមនេះ កញ្ញា ក៏មើលឃើញពីឱកាស ដែលអាចផ្គត់ផ្គង់តម្រូវការទីផ្សារ ឯកសណ្ឋានពេទ្យនៅកម្ពុជាផងដែរ។
ថ្លែងប្រាប់សារព័ត៌មានថ្មីៗ តាមរយៈកម្មវិធី «គំនិតថ្មី » គ្រូពេទ្យវ័យ២៨ឆ្នាំរូបនេះ បានពន្យល់ថា៖«ទាក់ទងនឹងអាជីវកម្មហ្នឹង ដំបូងឡើយគឺប៉ាម៉ាក់ គាត់អត់ទាន់ support(គាំទ្រ)ទេ ដោយសារខ្ញុំបើកអាជីវកម្មនេះ តាំងពីកំឡុងពេលនៅកំពុងសិក្សា។ មែនទែនទៅ គាត់ចង់ឱ្យយើងផ្តោតលើការសិក្សាឱ្យបាន ព្រោះមែនទែនទៅ គាត់ខ្លាចយើងបែកអារម្មណ៍ពីការសិក្សា។ តែដោយសារផ្នត់គំនិតខ្លួនឯង ភាគច្រើនខ្ញុំ(មាន)និស្ស័យជាអ្នកជំនួញច្រើន។ អ៊ីចឹងមានន័យថា ទោះបីជាក្នុងកំឡុងពេលសិក្សា ក៏ខ្ញុំនៅតែអាចចាប់បានបានជំនួញ ២ ៣ទៀតក្នុងដៃ»។
បច្ចុប្បន្ន កញ្ញា យក់ ដាណែត បានពង្រីកហាងរបស់ខ្លួនបានដល់ទៅ៣សាខា នៅរាជធានីភ្នំពេញ។ អ្នកជំនួញវ័យក្មេងសម្បុរសរូបនេះ បានពន្យល់បន្ថែមថា ដើម្បីអាចគ្រប់គ្រងហាងទាំងមូលបាន តម្រូវឱ្យកញ្ញា បែងចែកពេលវេលាច្បាស់លាស់ ព្រោះថាកញ្ញា ក៏មានការងារពេញម៉ោងមួយរួចទៅហើយ។ មួយវិញទៀត ក្នុងនាមជាអ្នកដឹកនាំមួយរូប កញ្ញា រមែងសម្រិតសម្រាំងនូវធនធានមនុស្សក្នុងហាង ដែលសុទ្ធសឹងតែជាអ្នកមានសមត្ថភាពខ្ពស់ និងមានគំនិតច្នៃប្រឌិត ក្នុងការចេញម៉ូតឯកសណ្ឋានពេទ្យថ្មីៗរហូត។ លើសពីនេះ កញ្ញា ដាណែត បានជ្រើសរើសទីតាំង ដែលចំតំបន់គោលដៅ សម្រាប់អតិថិជន ជាបណ្តាគ្រូពេទ្យតែម្តង ព្រមទាំងការប្រើប្រាស់បណ្តាញសង្គមក្នុងការផ្សព្វផ្សាយផលិតផលរបស់ខ្លួន។
បើតាមកញ្ញា យក់ ដាណែត ឯកសណ្ឋានពេទ្យដែលផ្គត់ផ្គង់ពីហាងរបស់ខ្លួន មានតម្លៃចាប់ពី២៥ ដល់១០០ដុល្លារ ។ សហគ្រិនស្រ្តីរូបនេះ ក៏បានលើកទឹកចិត្តដល់យុវជនជំនាន់ក្រោយ ដែលស្រលាញ់ការធ្វើជំនួញ ឱ្យតាំងចិត្តមុតស្រួច ហ៊ានសម្រេចចិត្តដើរតាមក្តីស្រមៃរបស់ខ្លួន ហើយរកឱ្យឃើញនូវអ្វីដែលខ្លួនស្រលាញ់ពិតប្រាកដ និងជាពិសេសគឺការរៀបចំផែនការអាជីវកម្មឱ្យបានច្បាស់លាស់ និងយល់ពីសក្តានុពលរបស់ខ្លួន៕
-
ដោយ៖ Thmey Thmey 25
-
© រក្សាសិទ្ធិដោយ thmeythmey25.com