ទឹកស្ទឹងព្រែកត្នោត នៅចំណុចទំនប់៧មករា(កំពង់ទួល)បន្តស្រកចុះ
ស្ថានភាពកម្ពស់ទឹកស្ទឹងព្រែកត្នោត នៅសំណង់ទ្វារទឹកទំនប់អាង ៧មករា នាថ្ងៃទី២១ ខែតុលានេះបានស្រកចុះមកនៅត្រឹម ៥,៥០ ម៉ែត្រ។ ពោលមានការស្រកចុះ ១,១៧ ម៉ែត្រ ធៀបនឹងកម្ពស់ទឹកអតិបរិមា ៦,៦៧ ម៉ែត្រ កាលពីថ្ងៃទី១៤ ខែតុលា ឆ្នាំ២០២០។ នេះបើតាមក្រសួងធនធានទឹក និងឧតុនិយម នៅថ្ងៃទី ២១ ខែតុលា។
ខណៈពេលស្ថានភាពទឹកជំនន់នៅក្នុងខេត្តកំពង់ស្ពឺ បានស្រកចុះជាបណ្ដើៗ លោក វ៉ី សំណាង អភិបាលខេត្តកំពង់ស្ពឺ ក៏បានអនុញ្ញាតឲ្យដំណើរការឡើងវិញ នូវផ្លូវជាតិទាំងអស់ ក្នុងខេត្តកំពង់ស្ពឺ ដើម្បីឲ្យរថយន្តធុនធំគ្រប់ប្រភេទ អាចឆ្លងកាត់បាន។
ចាប់ពីដើមខែតុលា មកជំនន់ទឹកភ្លៀង បានប៉ះពាល់រាជធានី-ខេត្តចំនួន ១៩ ដំណាំកសិកម្មជិត ៣០ម៉ឺនហិកតា បានជន់លិច និងមនុស្សចំនួន ៣៤នាក់បានបាត់បង់ជីវិត។ នេះបើតាមរបាយការណ៍គណកម្មាធិការជាតិគ្រោះមហន្តរាយ គិតត្រឹមថ្ងៃទី ២១ ខែតុលា៕
-
ដោយ៖ Thmey Thmey 25
-
© រក្សាសិទ្ធិដោយ thmeythmey25.com