ភ្នំពេញ៖ «សុខ» ជាឈ្មោះរបស់មនុស្សយន្តដែលអាចនិយាយភាសាខ្មែរដំបូងគេ។ រ៉ូបូតនេះ ត្រូវបានបង្កើតឡើងដោយ អ្នកស្រាវជ្រាវនៃវិទ្យាស្ថានស្រាវជ្រាវ និងនវានុវត្តន៍ឌីជីថល នៃបណ្ឌិត្យសភាបច្ចេកវិទ្យាឌីជីថលកម្ពុជា (CADT)។ ភាពវៃឆ្លាតរបស់ «សុខ» គឺអាចប្រាស្រ័យទាក់ទងជាមនុស្សជុំវិញខ្លួន ដូចជា ប្រាប់ព័ត៌មានទូទៅនៃស្ថាប័ន ឆ្លើយតបទៅតាមសំណួរដែលអ្នកទស្សនកិច្ចចង់ដឹង។ លើសពីនេះ ក្រុមអ្នកស្រាវជ្រាវ បានដាក់បញ្ចូលនូវប្រព័ន្ធបច្ចេកវិទ្យាភាសា ប្រព័ន្ធខ្មែរ Chatbot កម្មវិធីវិភាគមុខមនុស្សជាដើម។ បើតាមលោក ប៉េង លីឃៀង អ្នកស្រាវជ្រាវផ្នែក AI រ៉ូបូតនេះបង្កើតឡើង ក្នុងគោលបំណងលើកកម្ពស់ការប្រើប្រាស់ភាសាជាតិ ក្នុងទម្រង់ឌីជីថលឱ្យកាន់តែទូលំទូលាយ។ បន្ថែមពីនេះ វាជាការស្រាវជ្រាវផ្នែករ៉ូបូត និងបញ្ញាសប្បនិម្មិត ក្នុងការប្រើប្រាស់បច្ចេកវិទ្យាឌីជីថលថ្មីៗឱ្យបានច្រើនជាងមុន ក្នុងប្រទេសកម្ពុជា។
ដើម្បីជ្រាបច្បាស់សូមអញ្ជើញលោកអ្នកទស្សនាកិច្ចសម្ភាសរវាងកញ្ញា ហេង ស្រីលីន និងលោក ប៉េង លីឃៀង អ្នកស្រាវជ្រាវផ្នែកAI ដូចតទៅ៖
-
ដោយ៖ ហេង ស្រីលីន
-
© រក្សាសិទ្ធិដោយ thmeythmey25.com