13/01/2021 3:25 pm សៀមរាប ហាងសួនមេអំបៅ Butterflies Garden Restaurant ដែលមានម្ហូបច្រើនមុខ និងរសជាតិឆ្ងាញ់ពិសា ពេលនេះបាននាំយកមុខម្ហូបរបស់ខ្លួន ទៅដាក់លក់ក្នុងបរិវេណអង្គការហ្វាពន្លឺសិល្បៈរៀងរាល់ថ្ងៃសុក្រ និងថ្ងៃសៅរ៍។ គួរបញ្ចាកកម្មវិធីចាប់ផ្ដើមសំដែងចាប់ពីថ្ងៃទី១៥ ខែមករា ឆ្នាំ២០២១ នេះតទៅ។

អតិថិជន ដែលតែងតែគាំទ្រមុខម្ហូបនៅហាងសួនមេអំបៅ Butterflies Garden Restaurant អាចមកពិសាអាហារពេលល្ងាច នៅក្នុងបរិវេណអង្គការហ្វាពន្លឺសិល្បៈ ក្រោយពេលទស្សនាការសម្ដែងសិល្បៈបុរាណ និងសម័យផ្សេងៗរួច។

ហាងសួនមេអំបៅ ជាហាង១ក្នុងចំណោមហាង៥ ដែលលក់អាហារក្នុងបរិវេណអង្គការ មានលក់មុខម្ហូបខ្មែរគ្រប់ប្រភេទ ហើយមុខម្ហូបដែលដាក់លក់នៅក្នុងទីតាំងនោះ ភាគច្រើនជាប្រភេទម្ហូបតាមដងវិថី (Street Foods) និងមានការផ្លាស់ប្ដូរជារៀងរាល់ថ្ងៃ។
មូលហេតុដែល ហាងសួនមេអំបៅ ទៅដាក់លក់មុខម្ហូបរបស់ខ្លួននៅក្នុងបរិវេណអង្គការហ្វាពន្លឺសិល្បៈគឺ ដើម្បីចូលរួមចំណែកផ្សព្វផ្សាយទេសចរណ៍ក្នុងស្រុក ពិសេសទេសចរណ៍បែបប្រពៃណី វប្បធម៌ សិល្បៈជាដើម។ 

សម្រាប់ព័ត៌មានបន្ថែម លោក-អ្នកនាង អាចទំនាក់ទំនងតាមទូរស័ព្ទលេខ ០១០ ៥៧១ ៧៧១ ឬ ០១១ ៥៧១ ៧៧១៕