លោក ស៊ាក ឡេង បន្តកាន់តំណែងជាប្រធានក្រុមប្រឹក្សាខេត្តត្បូងឃ្មុំ អាណត្តិថ្មី
លោក ស៊ាក ឡេង អាយុ៧០ឆ្នាំ បានបន្តឡើងកាន់តំណែងជាប្រធានក្រុមប្រឹក្សាភិបាលខេត្តត្បូងឃ្មុំ អាណត្តិទី៣។ ពិធីប្រកាសតែងតាំង លោក ស៊ាក ឡេង និងសមាជិក២៤នាក់ទៀត (ស្រី៤នាក់) ដែលសុទ្ធតែជាកូតាគណបក្សប្រជាជនកម្ពុជានោះ បានរៀបចំឡើងកាលពីថ្ងៃទី១២ ខែមិថុនា ក្រោមអធីបតីភាពលោកឧបនាយករដ្ឋមន្ត្រី ជា សុផារ៉ា រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់។
ត្បូងឃ្មុំ មានក្រុង-ស្រុកចំនួន៧ ដោយមានអាសនៈសរុបចំនួន១៣៧។ គណបក្សប្រជាជនកម្ពុជា ឈ្នះអាសនៈទាំងអស់ក្រោយការបោះឆ្នោត ដែលក្នុងនោះមានស្រីចំនួន២៤នាក់។ ក្នុងចំណោមនោះ អ្នកស្រី ម៉េត គឹមឡាយ ជាស្ត្រីតែម្នាក់គត់ដែលបានតំណែងជាប្រធានក្រុមប្រឹក្សាស្រុក។ អ្នកស្រីជាប្រធានក្រុមប្រឹក្សាស្រុកពញាក្រែក។
បញ្ជីរាយនាមបេក្ខជនជាប់ឆ្នោត ក្នុងការបោះឆ្នោតជ្រើសរើសក្រុមប្រឹក្សា រាជធានី ខេត្ត ក្រុង ស្រុក ខណ្ឌ អាណត្តិ ទី៣ ឆ្នាំ២០១៩ ប្រចាំខេត្តត្បូងឃ្មុំ៖
https://www.necelect.org.kh/khmer/content/4109
