មនុស្ស ៨នាក់ រងរបួសស្រាល ដោយសារការបាញ់កាំជ្រួចនៅខេត្តកែប
កែប ៖ ប្រជាពលរដ្ឋចំនួន៨នាក់ បានរងរបួសស្រាល ដោយសារឧប្បទ្ទវហេតុឆេះកាំជ្រួច ដែលអាជ្ញាធរគ្រោងបាញ់ឡើងលើអាកាស សម្រាប់អបអរឆ្នាំ២០១៨ កាលពីយប់ថ្ងៃទី៣១ ធ្នូ នៅឆ្នេរសមុទ្រ ខេត្តកែប។
ប៉ុន្តែអ្នករបួសទាំងនោះ បានត្រឡប់ទៅផ្ទះវិញហើយ ក្រោយលាងរបួសនៅមន្ទីរពេទ្យខេត្តកែប ។ ករណីនេះឧប្បទ្ទវហេតុនេះ អាជ្ញាធរបានប្រើប្រាស់ឡានទឹក៣គ្រឿង ដើម្បីពន្លត់រលត់ភ្លើង។
បើតាមអាជ្ញាធរខេត្ត ពិធីឆ្លងឆ្នាំថ្មី២០១៨ នៅឆ្នេរកែប មានប្រជាជនមកពីគ្រប់ទិសទីប្រមាណជាង១០ម៉ឺននាក់។ នេះបើតាមអគ្គស្នងការដ្ឋាននគរបាលជាតិ៕
