រដ្ឋ ប្រកាសជ្រើសរើសមន្រ្តីរាជការ ជិត ៥ម៉ឺននាក់
លោក ព្រុំ សុខា រដ្ឋមន្រី្តក្រសួងសាធារណៈ។
ភ្នំពេញ៖ ក្នុងឆ្នាំ២០២៣នេះ រាជរដ្ឋាភិបាលកម្ពុជា ប្រកាសជ្រើសរើសមន្ត្រីរាជការបន្ថែមជិត ៥ម៉ឺននាក់ ដើម្បីបម្រើការងារនៅតាមក្រសួងនិងស្ថាប័ននានា។ នេះបើតាមសេចក្តីជូនដំណឹងរបស់ក្រសួង
មុខងារសាធារណៈ។
យោងតាមផែនការជ្រើសរើសក្របខណ្ឌថ្មី រាជរដ្ឋាភិបាល ប្រកាសជ្រើសរើសមន្ត្រីរាជការចំនួន ៤ ៩៨៨៦នាក់ ដើម្បីផ្តល់ជូនគ្រប់ក្រសួងនិងស្ថាប័នផ្សេងៗ ។ ស្ថាប័នដែលកំពុងត្រូវការមន្ត្រីរាជការបន្ថែមនោះ គឺ ទីស្តីការគណៈរដ្ឋមន្ត្រី, ក្រសួងនិងរដ្ឋលេខាធិការទាំង ២៨ គណៈកម្មាធិការជាតិប្រឆាំងអំពើភេរវកម្ម អង្គភាពប្រឆាំងអំពើពុករលួយ និងក្រុមប្រឹក្សាអភិវឌ្ឍន៍កម្ពុជា។
ការជ្រើសរើសមន្ត្រីខាងលើ បែងចែកជា១១ប្រភេទ គឺមន្ត្រីរាជការស៊ីវិលចំនួន ៣៨៦៣នាក់ មន្ត្រីជាប់កិច្ចសន្យាចំនួន ១៧០២៤នាក់ គ្រូបង្រៀនជាប់កិច្ចសន្យាអប់រំក្រៅប្រព័ន្ធចំនួន ២៤៧២នាក់ គ្រូបង្រៀនចំណេះដឹងទូទៅចំនួន៩៨៩៦នាក់ និងគ្រូបង្រៀនជាប់កិច្ចសន្យាផ្នែកពុទ្ធិក ចំនួន ១៤៦២នាក់។
ដោយឡែក មន្រី្តឆ្មាំទំនប់ប្រព័ន្ធធារាសាស្រ្តជាប់កិច្ចសន្យាចំនួន២៥០នាក់ គ្រូបង្រៀនជាប់កិច្ចសន្យាខ្មែរ-ឥស្លាមចំនួន ១៧៨នាក់ គ្រូបង្រៀនថ្នាក់គួបពីរចំនួន ២៥៩៨នាក់ គ្រូបង្រៀនថ្នាក់គួបបីចំនួន១២០នាក់ គ្រូបង្រៀនពីរថ្នាក់ពេល(២វេន)ចំនួន ១១៦៧១នាក់ និងគណៈគ្រប់គ្រងពុទ្ធិសិក្សាចំនួន ៣៥២នាក់។
គួរបញ្ជាក់ដែរ បេក្ខជនដែលមានចំណាប់អារម្មណ៍ក្នុងការប្រឡងនេះ តម្រូវបេក្ខជនទាំងអស់ជាសញ្ជាតិខ្មែរ អាយុយ៉ាងតិច១៨ឆ្នាំ និងត្រូវបំពេញការងារពី៣ខែទៅ១២ខែក្នុងឆ្នាំនីមួយៗ៕
