ទេសភាពស្រុកខ្មែរ ប្រៀបដូចផ្ទាំងគំនូរ មិនចាញ់ទេសភាពប្រទេសដទៃឡើយ!
រតនគិរី៖ តម្លៃនៃសក្តានុពលតំបន់ទេសចរណ៍ខ្មែរត្រូវបានរំលេចឡើងនៅក្នុងបរិបទកូវីដ-១៩។ នៅក្នុងរដូវកូវីដ-១៩នេះ ពលរដ្ឋខ្មែរភាគច្រើនមានឱកាសដើរកម្សាន្តនៅក្នុងប្រទេសស្ទើរគ្រប់ខេត្តក្រុងនៃព្រះរាជាណាចក្រកម្ពុជា។ មិនត្រឹមតែប៉ុណ្ណោះ ក្នុងរយៈពេលចុងក្រោយនេះ យុវជនខ្មែរជាច្រើនបានធ្វើដំណើរផ្សងព្រេងតាមព្រៃភ្នំ តាមតំបន់សមុទ្រ តាមវាលទំនាប តំបន់ប្រវត្តិសាស្ត្រ តំបន់វប្បធម៌ តំបន់ជនជាតិភាគតិច តំបន់សត្វព្រៃ។ល។ តំបន់សក្តានុពលទេសចរណ៍នៅក្នុងដែនដីសុវណ្ណភូមិមួយនេះមានច្រើនរាប់មិនអស់ ទាំងនៅលើដី លើភ្នំ ក្រោមសមុទ្រ ក្រោមដី។ល។
តំបន់ទេសចរណ៍ខ្លះត្រូវបានអ្នកទេសចរទៅដល់រួចហើយ តែតំបន់ទេសចរណ៍ខ្លះទៀត ស្ថិតនៅជាតំបន់ទេសចរណ៍ព្រហ្មចារីនៅឡើយ មានន័យថា អ្នកទេសចរទៅមិនទាន់ដល់ ឬជាតំបន់ទើបរកឃើញថ្មី។ កម្ពុជា ជាដែនដីសុវណ្ណភូមិដែលមានទេសភាពស្រស់ត្រកាល ល្អស្អាត ប្រៀបបីដូចជាផ្ទាំងគំនូរនៅក្នុងរឿងនិទាន មិនចាញ់ប្រទេសដទៃឡើយ។ ពលរដ្ឋខ្មែរខ្លះ សន្និដ្ឋានថា ទេសភាពស្រុកគេ(ប្រទេសដទៃ)ស្អាតជាងស្រុកខ្មែរទៅទៀត។ ការពិត វាមិនដូច្នោះទេ។ ទេសភាព ឬសក្តានុពលធម្មជាតិនៃប្រទេសនីមួយៗមានលក្ខណៈពិសេសខុសៗគ្នាទាំងអស់។ សូមអញ្ជើញទស្សនាទេសភាពដ៏ស្រស់បំព្រង ខៀវខ្ចី នៅក្នុងព្រះរាជាណាចក្រដូចតទៅ៖
_1594872095.jpg)
