«អូរសោម»ទីមិនគួររំលង សម្រាប់ដំណើរកម្សាន្តបែបផ្សងព្រេង
ពោធិ៍សាត់៖ តំបន់អេកូទេសចរណ៍អូរសោម ស្ថិតក្នុងភូមិអូរសោម ឃុំអូរសោម ស្រុកវាលវែង ខេត្តពោធិ៍សាត់ ដែលស្ថិតចម្ងាយប្រមាណ១៧០គីឡូម៉ែត្រ ពីទីរួមខេត្តពោធិ៍សាត់។ ដើម្បីទៅដល់តំបន់អូរសោមនេះ គេត្រូវជិះឆ្លងកាត់ដងព្រៃ ភ្នំ និងបឹងធម្មជាតិដ៏ស្រស់ត្រកាល គួបផ្សំនឹងអាកាសធាតុត្រជាក់ដូចនៅមណ្ឌលគិរី និងរតនគិរីដែរនោះ គឺសក្តិសមជាទីបំផុត ដែលអ្នកទេសចរ ចូលចិត្តបែបផ្សងព្រេងមិនគួរមើលរំលងនោះឡើយ។ ភ្ញៀវទេសចរ អាចជ្រើសរើសទីតាំងសម្រាកក្នុងផ្ទះសហគមន៍ ឬក៏អាចបោះតង់ដោយខ្លួនឯងបាន ក្នុងតំបន់ទេសចរណ៍អូរសោមនេះ។
ក្រៅពីព្រៃព្រឹក្សា តំបន់ដីក្រហមអូរសោម ក៏ពោរពេញដោយដោយដំណាំដាំដុះជាច្រើនរួមមានប័រ ម្រេច ទុរេន កាហ្វេ ចេក ល្ហុង និងម្នាស់ជាដើម៕
-
ដោយ៖ Thmey Thmey 25
-
© រក្សាសិទ្ធិដោយ thmeythmey25.com