អ្នកស្រី ធឿន ស្រី យកសំណល់ពីការកែច្នៃត្រីងៀត ធ្វើជីកំប៉ុស និងចំណីត្រី
កំពង់ចាម៖ សិប្បកម្មធឿន ស្រីនី បានយកកាកសំណល់ពីការកែច្នៃត្រីងៀត ដូចជាក្បាល និងស្រកា មកធ្វើជាចំណីត្រី និងជីកំប៉ុស ដើម្បីទំនុកបម្រុងដល់ការចិញ្ចឹមត្រីផ្ទាល់ខ្លួន និងលក់ទៅឱ្យកសិករ។ បើតាមម្ចាស់សិប្បកម្ម គឺអ្នកស្រី ធឿន ស្រី សំណល់ទាំងនេះ អាចផ្គត់ផ្គង់ត្រីបានមួយស្រះយ៉ាងងាយស្រួល។ ចំណែក ការលក់ជីកំប៉ុសវិញ បានជួយសម្រួលដល់ការចំណាយ ទឹក និងភ្លើង ប្រចាំខែ។
សូមលោកអ្នកទស្សនាវីដេអូខាងក្រោម៖
សិប្បកម្ម ធឿន ស្រីនី មានទីតាំងនៅស្រុកជើងព្រៃ ខេត្តកំពង់ចាម។ បច្ចុប្បន្ន សិប្បកម្មនេះ បានកែច្នៃត្រីងៀត និងផលិតផលប្រឡាក់ផ្អាប់ ផ្គត់ផ្គង់ឱ្យផ្សារទំនើបមួយចំនួន នៅទីក្រុងភ្នំពេញ ក្រោមជំនួយបច្ចេកទេស និងសម្ភារបរិក្ខា ពីគម្រោងអភិវឌ្ឍន៍ជលផលក្រោយប្រមូលផល (CAPFISH-Capture)៕
