រសជាតិឆ្ងាញ់ ធ្វើឱ្យក្រឡានខេត្តបាត់ដំបង នៅតែមានកេរ្តិ៍ឈ្មោះ
បាត់ដំបង៖ បើលោកអ្នកធ្វើដំណើរឆ្លងកាត់ស្រុកឯកភ្នំ ម្តុំវត្តសំរោងក្នុង លោកអ្នកនឹងឃើញតូបលក់ក្រឡានដង្ហែជាជួរៗ ជះក្លិនឈ្ងុយប្រហើរពីចម្ងាយ។ អ្នកស្រី វឿន សុផល ជាអាជីវករលក់ក្រឡាន នៅមុខវត្តសំរោងក្នុង លើកឡើងថា អ្នកដំណើរដែលឆ្លងកាត់ស្រុកឯកភ្នំកម្រខកខានទិញក្រឡានហូប ឬផ្ញើមិត្តភក្ដិបងប្អូន។ ក្រឡានរបស់អ្នកស្រី សុផល មានតម្លៃចាប់ពី១០០០រៀល ដល់ទៅ៥០០០រៀល ដោយអាស្រ័យលើទំហំក្រឡាន (តូច ឬធំ)។
ជារៀងរាល់ថ្ងៃ អ្នកស្រី វឿន សុផល ត្រូវក្រោកម៉ោង ៣ទៀបភ្លី ដើម្បីរៀបចំដុតក្រឡាន ដែលបានត្រាំអង្ករតាំងពីល្ងាច។ ក្នុងមួយថ្ងៃ អ្នកស្រីអាចលក់បានចាប់ពី៨០ទៅ១០០ដើម។ បើតាមអ្នកស្រី វឿន សុផល ដើម្បីឱ្យក្រឡានមានរសជាតិឆ្ងាញ់ ត្រូវចេះថ្លឹងគ្រឿងផ្សំឱ្យស្នើគ្នា រូមមានអង្ករ សណ្តែក ដូង ស្ករ អំបិល ចំណែកឫស្សីអ្នកស្រីបានបញ្ជាទិញពីប្រជាពលរដ្ឋនៅក្នុងភូមិ ឬនៅតាមស្រុកនានា។
សូមអញ្ជើញទស្សនាបទសម្ភាសរវាងអ្នកស្រី ញឹក ស្រីល័ក្ខ អ្នកសារព័ត៌មានឌីជីថលថ្មីៗ ជាមួយអ្នកស្រី វឿន សុផល អ្នកលក់ក្រឡាននៅស្រុកឯកភ្នំ ដូចតទៅ៖
