វិញ្ញាសា​ដើរ មាន​ចម្ងាយ ​២០​គីឡូម៉ែត្រ និង​៥០​គីឡូម៉ែត្រ។ ដោយឡែក​​នៅ​ប្រទេស​ខ្មែរ​ មានតែអត្តពលិកម្នាក់​ប៉ុណ្ណោះ ដែល​ស្គាល់​វិញ្ញាសា​នេះ។ ​លោក សាត ណានវីរៈយុទ្ធ ជាកីឡាកររត់ម្នាក់​គត់​ ដែល​លេង​កីឡា​នេះ ក្នុង​ប្រទេសកម្ពុជា​។ ​ក្នុង​ព្រឹត្តិការណ៍​ល្បែង​កីឡា​អាស៊ី​អាគ្នេយ៍ នៅ​កម្ពុជា កីឡា​អត្តពលកម្ម មាន​វិញ្ញាសា​ដើរ តែ​ចម្ងាយ​ ២០គីឡូម៉ែត្រ​ បុរសនិង​នារី ប៉ុណ្ណោះ។ វិញ្ញាសាដើរ ត្រូវ​បាន​ប្រកួត នៅ​ឧទ្យាន​អង្គរ ខេត្ត​សៀមរាប កាលពីថ្ងៃ​សៅរ៍​ទី៦ ខែ​ឧសភា ឆ្នាំ​២០២៣ កន្លង​មក។ សហព័ន្ធ​អត្តពលកម្ម​កម្ពុជា ​បាន​ជ្រើសរើស​លោក ណានវីរៈយុទ្ធ ដើម្បី​តំណាង​ឱ្យ​ប្រទេស​កម្ពុជា។

ដើម្បីជម្រាបច្បាស់ សូមទស្សនាបទសម្ភាសរវាងលោក យ៉ាន ជាមួយអត្តពលិកដើរដូចខាងក្រោម៖

វិញ្ញាសា  ២០គីឡូម៉ែត្រ​បុរស ​មាន​លទ្ធផល​ដូច​តទៅ៖

 

លេខ​១ លោក HENDRO Hendro ពី​ប្រទេស​ឥណ្ឌូណេស៊ី ថេរវេលា ១:៤០:៤២

លេខ២ ​លោក THANH NGUNG Nguyen ពីប្រទេស​វៀតណាម ថេរវេលា ១:៤៥:៣៦

លេខ​៣ លោក PYAE PHYO Htun ពីប្រទេសមីយ៉ាន់ម៉ារ ថេរវេលា ១:៤៩:៣៩

លេខ​៤ លោក ARTID Sriwichai ពីប្រទេសថៃ​ឡង់ ថេរវេលា ១:៥១:២០

លេខ​៥ លោក SRIVEN Tan ពីប្រទេសម៉ាឡេស៊ី ថេរវេលា ១:៥២:៥៩

លេខ​៦ លោក XUAN VINH Vo ពីប្រទេស​វៀតណាម ថេរវេលា ១:៥៦:១៥

លេខ​៧ លោក MUHAMMAD FAKHRULRAZI Jailani ពីប្រទេសម៉ាឡេស៊ី ថេរវេលា ២:០២:៤៤

លេខ​៨ លោក សាត ណានវីរៈយុទ្ធ ពី​ប្រទេស​កម្ពុជា ថេរវេលា  ២:២៩:១៧

លោក MINE NYINYI Moe ពីប្រទេសមីយ៉ាន់ម៉ារ បាន​បោះ​បង់​ចោល