ដោយ៖ ហេង ស្រីលីន

សៀមរាប៖ កោះតាមាស និង ប្រាសាទព្រៃក្មេង ដែលមានទីតំាងក្បែរ បារាយណ៍ បានបង្ហាញនូវភស្តុតាងសំខាន់ៗ តាមរយៈការធ្វើកំណាយ។ នៅចន្លោះឆ្នាំ២០០០ ទៅ​២០០៥ អ្នកជំនាញ បានធ្វើកំណាយរកឃើញផ្នូរសពចំនួន ២៧ផ្នូរនៅ កោះតាមាស ចំណែក ប្រាសាទព្រៃក្មេង បានរកឃើញផ្នូរសពចំនួន ១១ផ្នូរផងដែរ។ លោក ភួយ សាវឿត អ្នកគ្រប់គ្រងនៃសារមន្ទីរព្រះនរោត្តម ព្រះសីហនុ-អង្គរ បានឱ្យដឹងថា អ្នកស្លាប់នាសម័យមុនអង្គរ ត្រូវបានគេកប់ដោយរុំកន្ទេលកក់។ ជាពិសេស គេឃើញមាន ក្បាលជ្រូកកុលាលភាជន៍ ដាក់នៅលើក្បាលដំណេក ជិតសព និងចុងជើង ដោយនៅក្នុងកុលាលភាជន៍នោះ គឺដាក់គ្រឿងសំណែន ម្ហូបអាហារ។ ប្រជាជនាសម័យនោះ ជឿថាសំណែនទាំងនោះ នឹងបានទៅដល់ព្រលឹងនៃសពមិនឱ្យស្រេកឃ្លាន។

ដើម្បីជ្រាបកាន់តែច្បាស់ សូមលោក អ្នកនាង អញ្ជើញទស្សនាកិច្ចសម្ភាសរវាង កញ្ញា ហេង ស្រីលីន និងលោក ភួយ សាវឿត អ្នកគ្រប់គ្រងនៃសារមន្ទីរ នរោត្តម ព្រះសីហនុ ដូចតទៅ៖