ភ្នំពេញ៖ រយៈពេល៤ថ្ងៃ នៃឱកាសបុណ្យចូលឆ្នាំចិន-វៀតណាមកន្លងទៅ កម្ពុជាទទួលបានទេសចរជាតិ និងអន្តរជាតិ ជាង១លាននាក់។ ក្នុងនោះ ខេត្តដែលទទួលភ្ញៀវទេសចរ ច្រើនជាងគេ គឺ ខេត្តព្រះសីហនុ
សៀមរាប និងខេត្តបាត់ដំបង។
បើតាមរបាយការណ៍ដដែល ចាប់ពីថ្ងៃទី២១-២៤ ខែមករា កម្ពុជាទទួលបានទេសចរដើរកម្សាន្តទូទាំងប្រទេសចំនួន ១ ០៤៩ ២២២នាក់ ក្នុងនោះភ្ញៀវជាតិ ១ ០០៧ ១៦៦នាក់ និងភ្ញៀវបរទេស៤២ ០៥៦នាក់។
ជាមួយគ្នានេះ ខេត្តព្រះសីហនុ ទទួលបានទេសចរច្រើនជាងគេរហូតដល់ ២៩៦០២៨នាក់នាក់។ បន្ទាប់មកគឺខេត្តសៀមរាប មានទេសចរចំនួន ១០៥ ៤៨១នាក់។
បាត់ដំបងនៅចំណាត់ថ្នាក់លេខ៣ មានទេសចរចំនួន ១០២ ៧៧៨នាក់។ ចំណែកខេត្តកំពត មានភ្ញៀវចំនួន៨២ ១៩៩នាក់ ហើយខេត្តប៉ៃលិន មានទេសចរចំនួន ៨១ ៥០០នាក់។ រីឯខេត្តកំពង់ចាម ទទួលបានទេសចរចំនួន ៦៧ ៩១៤នាក់ និងខេត្តកែប ទទួលបានទេសចរចំនួន ៦៧ ០៣០នាក់ នាថ្ងៃចូលឆ្នាំចិន។
សូមបញ្ជាក់ដែរ ចំពោះសណ្ដាប់ធ្នាប់គឺល្អប្រសើរគួរកត់សម្គាល់។ លើសពីនេះ រាជធានី-ខេត្ត មន្ទីរទេសចរណ៍ បានចាត់កម្លាំងប្រចាំការនៅតាមគោលដៅសំខាន់ៗ និងគោលដោទេសចរណ៍នានាផងដែរ នាថ្ងៃចូលឆ្នាំចិន-វៀតណាម ដើម្បីសុវត្ថិភាពភ្ញៀវទេសចរ៕
