តំបន់មួយចំនួន នឹងមានភ្លៀងធ្លាក់ចាប់ពីថ្ងៃទី៧-១៣ ធ្នូ
ដោយ៖ ប៉ូ សុភា
ភ្នំពេញ៖ បើតាមក្រសួងធនធានទឹក និងឧតុនិយម កម្ពុជានឹងទទួលឥទ្ធិពលសម្ពាធខ្ពស់ និងខ្យល់មូសុងឦសាន្ដក្នុងកម្រិតមធ្យម។ ស្ថានភាពបែបនេះ អាចធ្វើឱ្យតំបន់មួយចំនួនមានភ្លៀងធ្លាក់តិចតួច។
ការព្យាកររបស់ក្រសួងធនធានទឹក និងឧតុនិយម នៅព្រឹកថ្ងៃទី៦ ធ្នូនេះ បានឱ្យដឹងថា រយៈពេលមួយសប្ដាហ៍ខាងមុខ ឥទ្ធិពលសម្ពាធខ្ពស់ បូករួមជាមួយខ្យល់មូសុងឦសាន្ដអាចធ្វើឱ្យតំបន់ទំនាបកណ្ដាល មានភ្លៀងធ្លាក់ក្នុងកម្រិតតិចតួច។ លើកលែងតែរាជធានីភ្នំពេញ និងខេត្តភាគខាងក្រោមអាចមានភ្លៀងធ្លាក់ក្នុងកម្រិតមធ្យមដោយអន្លើតែប៉ុណ្ណោះ។
ចំពោះតំបន់ខ្ពង់រាប អាចមានភ្លៀងធ្លាក់តិចតួច។ រីឯ តំបន់មាត់សមុទ្រវិញ អាចមានភ្លៀងធ្លាក់តិចតួចដូចតំបន់ផ្សេងៗដែរ៕
-
ដោយ៖ Thmey Thmey 25
-
© រក្សាសិទ្ធិដោយ thmeythmey25.com