អាជ្ញាធរស្រុកកំពង់ត្រឡាច ផ្អាកចរាចរណ៍លើកំណាត់ផ្លូវលេខ១៥២ បណ្តោះអាសន្ន
ដោយ៖ជិន សុវណ្ណដាវីត
ភ្នំពេញ៖ អាជ្ញាធរ បានបិទការធ្វើចរាចរណ៍ឆ្លងកាត់ផ្លូវត្រង់កំណាត់ផ្លូវលេខ១៥២ នៅចន្លោះចាប់ពីភូមិចំបក់ផ្អែម ទៅភូមិកំពង់ប្រាសាទ ឃុំសែប ស្រុកកំពង់ត្រឡាច ខេត្តកំពង់ឆ្នាំងបណ្ដោះអាសន្ន ដោយសារទឹកទន្លេហក់ឡើងខ្ពស់ បណ្ដាលឱ្យលិចផ្លូវមិនអាចធ្វើដំណើរបាន។
តាមសេចក្ដីជូនដំណឹងរបស់រដ្ឋបាលស្រុកកំពង់ត្រឡាច នៅថ្ងៃទី១៤ ខែតុលានេះ អាជ្ញាធរក៏បានរៀបចំ ស្រឡាងដរទទឹងឯកជនចំនួន២កន្លែង ដើម្បីសម្រួលដល់ការធ្វើដំណើររបស់ពលរដ្ឋដែលចាំបាច់ត្រូវឆ្លងកាត់។ ក្នុងនោះរួមមាន នៅផ្លូវចូលទៅឡឥដ្ឋលោក ប៉ែន ចាន់ដារិទ្ធិ និងផ្លូវចូលទៅទួលព្រះរាម៕
