Thmey Thmey 25
បុរី ទីលាង ដង្កោ ហ្រ្គីនផាក ទទួលបានការ គាំទ្រយ៉ាងខ្លាំង ហើយក្លាយជាមុខព្រួញដ៏សំខាន់សម្រាប់ម្ចាស់អាជីវកម្ម និងការរស់នៅ
23/05/2022 5:46 pm ភ្នំពេញ ក្នុងឱកាសដ៏វិសេសវិសាលនៃកម្មវិធីសម្ពោធផ្ទះគំរូ និងបើកលក់ប្លុកថ្មី របស់បុរី ទីលាង ដង្កោ 
ហ្រ្គីនផាក កាលពីថ្ងៃទី២១ ខែឧសភា ឆ្នាំ២០២២ ក្រោមអធិបតីភាពរបស់ឯកឧត្តមបណ្ឌិត ស៊ាង ប៊ុនលាង រដ្ឋលេខាធិការក្រសួងមហាផ្ទៃ និងជាទីប្រឹក្សាផ្ទាល់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងលោកជំទាវ អគ្គមហាឧបាសិកាពុទ្ធសាសនូបត្ថម្ភក៍ ហ៊ុន ប៊ុនធឿន ទីប្រឹក្សាក្រសួងការបរទេស និងសហប្រតិបត្តិការអន្តរជាតិ និងជាទីប្រឹក្សា គណៈសង្ឃនាយកគណៈមហានិកាយនៃព្រះរាជាណាចក្រកម្ពុជា។ 


បន្ទាប់ពីសម្ពោធឱ្យដាក់លក់ជាផ្លូវការហើយឃើញថា ទទួលបានការគាំទ្រខ្លាំងពីសំណាក់អតិថិជនដែលអញ្ជើញចូលរួមកម្មវិធីយ៉ាងច្រើនកុះករ តាំងពីចាប់ផ្ដើមកម្មវិធី រហូតដល់កម្មវិធីបានបញ្ចប់ជាស្ថាពរ។
 
លោក ម៉ែន មនោ នាយកគ្រប់គ្រងទូទៅនៃបុរី ទីលាង

តាមប្រសាសន៍របស់ លោក ម៉ែន មនោ នាយកគ្រប់គ្រងទូទៅ បានលើកឡើងថា បុរី ទីលាង ដង្កោ ហ្រ្គីនផាក ដែលមានទីតាំងស្ថិតនៅលើផ្លូវព្រៃស ភូមិព្រៃវែងខាងកើត ខណ្ឌដង្កោ រាជធានីភ្នំពេញ ។ 

ចាប់ផ្ដើមកសាងឡើងនៅថ្ងៃទី១៥ ខែធ្នូ ឆ្នាំ២០២០ នៅលើផ្ទៃដី ២៥ ហិចតាដែលធំជាងគម្រោងនានា នៅក្នុងតំបន់ជាមួយគ្នានេះ គិតចាប់ពី ថ្ងៃសាងសង់មកដល់ពេលបច្ចុប្បន្ននេះ បុរី ទីលាង មានអាយុកាល១ឆ្នាំជាងហើយ។ ជាគម្រោងដែលមានទីតាំងល្អ បរិយាកាសស្រស់ស្រាយលើផ្ទៃដីគ្រប់ដណ្ដប់ដោយសួនបៃតង ដែលធ្វើឱ្យការរស់នៅប្រកបដោយបរិយាកាសបរិសុទ្ធ និងជាគម្រោងអភិវឌ្ឍលំនៅដ្ឋានច្រើនប្រភេទមានដូចជា៖ វីឡាទោល, វីឡាភ្លោះ, វីឡាកូនកាត់ និង ផ្ទះអាជីវកម្ម ជាដើម។

លើសពីនេះទៅទៀត បុរី ទីលាង ជាទីតាំងដែលព័ទ្ធជុំវិញទៅដោយតំបន់សក្តានុពលធំៗ និងជាមុខព្រួញដ៍សំខាន់សម្រាប់ម្ចាស់អាជីវកម្ម និងការស់នៅរួមមានតំបន់៖

•    ផ្លូវជាតិលេខ២ និង លេខ៣ ដែលតភ្ជាប់ជាមួយខេត្ត
កណ្តាល ខេត្តកំពង់ស្ពឺ តាកែវ និង ខេត្តកំពត។
•    ជាប់ក្រវ៉ាត់ក្រុងទី៣  
•    ក្បែរផ្លូវ ៦០ ម៉ែត 
•    ក្បែរគម្រោងផ្សារអ៉ីអន៣ 
•    ព្រលានយន្តហោះថ្មីដែលកំពុងសាងសង់ 
•    ក្បែរស្តុបចម្ការដូង ។
 

លោកអគ្គនាយក បុរី ទីលាង 

ឆ្លៀតឱកាសនេះដែរ លោកឧកញ៉ា ឡាង ទីលាង អគ្គនាយក បុរី ទីលាង បានថ្លែងអំណអរគុណដល់ភ្ញៀវកិត្តិយសទាំងអស់ ដែលបានចូលរួមក្នុងឱកាសដ៏ឧត្តុងឧត្ដម នៃពិធីសម្ពោធ និងបើកលក់ប្លុកថ្មីនៃបុរី ទីលាង យ៉ាងច្រើនកុះករ។ លោកឧកញ៉ាក៏មានប្រសាសន៍បន្តទៀតថា ឆ្លងតាមរយៈបទពិសោធន៍ជាច្រើនលើវិស័យជំនួញ និងអាជីវកម្មក្នុងស្រុក និងការមើលឃើញពីភាពរីកចម្រើនលើវិស័យអចលនទ្រព្យនៅកម្ពុជា និងមានចក្ខុវិស័យចង់អភិវឌ្ឍសំណង់ ហេដ្ឋារចនាសម្ព័ន្ធ ឱ្យកាន់តែមានភាពប្រសើរឡើង ក៏បានជំរុញចិត្តឱ្យរូបលោកចាប់ផ្ដើមកសាងបុរី ទីលាង ឱ្យលេចរូបរាងឡើងក្នុងថ្ងៃទី២០ ខែធ្នូ ឆ្នាំ២០២០។ ដើម្បីចូលរូមចំណែកមួយដ៏សំខាន់ដល់ការកសាងសេដ្ឋកិច្ចជាតិ ផ្ដល់ការងារដល់ប្រជាជនខ្មែរ កែប្រែមុខមាត់ទឹកដីព្រៃសឱ្យក្លាយទៅជាតំបន់សេដ្ឋកិច្ចធំជាងគេ និងដើម្បីប្រកួតប្រជែងលើទីផ្សារជាតិនិងអន្តរជាតិឱ្យកាន់តែមានភាពប្រសើរឡើង។ 

លើសពីនេះទៅទៀតបុរីទីលាងមានចក្ខុវិស័យ ចូលរួមចំណែកផ្ដល់ឱកាសការងារដល់ប្រជាពលរដ្ឋ ជៀសឆ្ងាយពីការធ្វើចំណាកស្រុកទៅប្រទេសដទៃទៀត និងក្លាយជាក្រុមហ៊ុនអភិវឌ្ឍអចលនទ្រព្យធំជាងគេនិងល្អផ្ដាច់គេមួយនៅក្នុងស្រុក ដើម្បីលើកមុខមាត់ថ្មីដល់កម្ពុជា។ គ្រប់ប្រភេទផ្ទះទាំងអស់របស់បុរីទីលាង ត្រូវបានសាងសង់ឡើងគឺប្រកបដោយគុណភាពល្អ និងអនុលោមទៅតាមបទដ្ឋាន នៃការសាងសង់យ៉ាងត្រឹមត្រូវ និងការយកចិត្តទុកដាក់ខ្ពស់ប្រកបដោយសោភ័ណភាព គុណភាព អមជាមួយនឹង សំណង់ហេដ្ឋារចនាសម្ព័ន្ធ មានសួនច្បារបៃតងប្រកបដោយបរិយាកាសបរិសុទ្ធ សាលារៀននអន្តរជាតិ ផ្សារទំនើប អគារពាណិជ្ជកម្ម និងសន្តិសុខសុវត្ថិភាព  ២៤ម៉ោង ដល់អ្នករស់នៅក្នុងបុរី ។
 
ឯកឧត្តមបណ្ឌិត ស៊ាង ប៊ុនលាង

ក្រោយពីមតិស្វាគមន៍ និងរៀបរាប់ពីស្ថានភាពរបស់បុរី ទីលាង រួចរាល់ ឯកឧត្តមបណ្ឌិត ស៊ាង ប៊ុនលាង ក៏បានលើកឡើងក្នុងពិធីសម្ពោធផ្ទះគំរូនេះថា បុរី ទីលាង ដង្កោ ហ្គ្រីនផាក ជាបុរីមួយឈានមុខគេ ក្នុងតំបន់ព្រៃស ស្ថិតនៅលើទឹកដីមានសក្ដានុពលខ្លាំង មានហេដ្ឋារចនាសម្ព័ន្ធច្បាស់លាស់ និងងាយស្រួលដល់ការរស់នៅរបស់ប្រជាជន ជាពិសេសនោះគឺថា បុរី ទីលាង ស្ថិតក្នុងតំបន់ អចលនទ្រព្យឡើងថ្លៃឥតឈប់ឈរជារៀងរាល់ឆ្នាំ ជាឱកាសដ៏ល្អសម្រាប់ការរស់នៅ និងប្រកបអាជីវកម្មផងដែរ៕

Facebook Page : https://web.facebook.com/BoreyTyLeang
Telegram Channel : https://t.me/boreytyleangdangkorgreenpark
ទតាំងការិយាល័យគម្រោង ៖ Google Map: https://lnkd.in/gRv2j-kQ
Contact : 061 35 7777

សកម្មសកម្មភាពនានា ក្នុងការកម្មពិធីសម្ពោធផ្ទះគំរូ និងបើកលក់ប្លុកថ្មី


 






 
 




(អត្ថបទពាណិជ្ជកម្ម)
ដោយ៖ ថ្មីៗ២៥ © រក្សាសិទ្ធិដោយ thmeythmey25.com