Thmey Thmey 25
កំប្លោកអណ្ដែតពាសពេញផ្ទៃទន្លេបាសាក់
11/04/2022 6:00 pm ភ្នំពេញ
ដោយ៖ ផាត ដាណេ

កំប្លោកខៀវស្រងាត់ អណ្ដែតពាសពេញផ្ទៃទន្លេបាសាក់ ត្រង់ចំណុចក្រោមស្ពានព្រះមុនីវង្ស ឫស្ពានច្បារអំពៅ។ លោក ចេង មុនីរ៉ា អភិបាលខណ្ឌច្បារអំពៅ អះអាងថា កំប្លោកហូរមកច្រើន នៅថ្ងៃទី១១ មេសានេះ។ លោក បញ្ជាក់ថា កំប្លោកទាំងនេះហូរអណ្ដែតធ្លាក់ពីទន្លេសាប ឆ្លងកាត់ទន្លេបាសាក់ ហើយនឹងបន្តហូរទៅព្រំដែនវៀតណាម។ «ធម្មតាទេ ឱ្យតែដល់ខែទឹកទន្លេសាបហូរ តែងមានកំប្លោកអណ្តែតមកដែរហើយ។ ហើយថ្ងៃហ្នឹងឃើញមានច្រើនជាងរាល់ដង តែបន្តិច នឹងហូរធ្លាក់ទឹកព្រំដែនវៀតណាមអស់ហើយ»។ នេះជាការលើកឡើងរបស់លោក ចេង មុនីរ៉ា អភិបាលខណ្ឌច្បារអំពៅ។ ក្រៅទន្លេបាសាក់ ទន្លេចតុមុខ ក៏ឃើញមានកំប្លោកអណ្ដែតពាសពេញផ្ទៃទន្លេនោះផងដែរ។

សូមអញ្ជើញលោក-អ្នកនាងទស្សនាវីដេអូ និងរូបភាពខាងក្រោមដូចតទៅ៖



ដោយ៖ ផាត ដាណេ © រក្សាសិទ្ធិដោយ thmeythmey25.com