«ដាក់ដាំ» ផ្ដល់ឱកាសដល់សហគ្រិនក្នុងវិស័យកសិកម្ម ដើម្បីទទួលបានថវិកា និងការបណ្ដុះបណ្ដាលនានា
ដោយ៖ ញឹក ស្រីល័ក្ខ
ភ្នំពេញ៖ «ដាក់ដាំ» ជាកម្មវិធីបណ្តុះបណ្តាលសហគ្រិនក្នុងវិស័យកសិកម្ម ដែលមានរយៈពេល៩ខែ។ កម្មវិធីនេះ ផ្ដល់ឱកាសដល់សហគ្រិន ដែលមានគំរូអាជីវកម្ម ផលិតផល ឬសេវាកម្មដ៏ល្អសម្រាប់បរិស្ថាន និងផ្តល់ឥទ្ធិពលវិជ្ជមានដល់វិស័យកសិកម្មនៅកម្ពុជា។
កម្មវិធី «ដាក់ដាំ» នឹងជួយគាំទ្រការអភិវឌ្ឍ ធុរកិច្ច ឬអាជីវកម្មរបស់សហគ្រិនចំនួន៨ ក្នុងការបង្កើតបានជាផលិតផល ឬសេវាកម្មប្រកបដោយភាពច្នៃប្រឌិតចូលទៅក្នុងទីផ្សារ។ កម្មវិធីនេះ ផ្តោតលើផ្នែកទាំង៤នៃវិស័យកសិកម្មដូចជា ការកែច្នៃបន្លែ ផ្លែឈើ និងម្ហូបអាហារ, បច្ចេកវិទ្យាកសិកម្ម, ការចូលរួមរបស់សហគមន៍ និងវិធីសាស្ត្រកសិកម្មបណ្តុះជួសជុលឡើងវិញ និងការដាំវិលជុំវាលវដ្តសង្ខារ។
តាមរយៈកម្មវិធីនេះ សហគ្រិនក្នុងវិស័យកសិកម្ម នឹងទទួលបានការគាំទ្រមួយចំនួនរួមមាន សិក្ខាសាលា, ការប្រឹក្សាយោបល់, ការបង្ហាត់បង្ហាញ ,ការតភ្ជាប់ទំនាក់ទំនង, ការធ្វើបទបង្ហាញពីអាជីវកម្ម, ផ្នែកថវិកា និងការចុះកម្មសិក្សាជាដើម។
សហគ្រិនក្នុងវិស័យកសិកម្ម ដែលមានចំណាប់អារម្មណ៍អាចដាក់ពាក្យចូលរួមកម្មវិធី «ដាក់ដាំ» bit.ly/DakDamIncubatorSeason2 ចាប់ថ្ងៃផ្សាយដំណឹងនេះ ដល់ថ្ងៃទី២២ សីហា។ ព័ត៌មានលម្អិតទាក់ទងទៅកាន់៖ Tel: 015 674 048/096 641 5661 ឬ Email: [email protected]។ សូមបញ្ជាក់ថា នេះជារដូវកាលទី២ហើយ ដែល «ដាក់ដាំ» បានរៀបចំកម្មវិធីបណ្តុះបណ្តាលសហគ្រិនក្នុងវិស័យកសិកម្ម៕
-
ដោយ៖ Thmey Thmey 25
-
© រក្សាសិទ្ធិដោយ thmeythmey25.com