បទ ព្រហ្មគីតិ
-អូររាំងពេជ្រាដា កែវសីមាសែនមនោរម្យ
កោះញែកប្លែកគ្រប់ឃុំ រាស្ត្ររស់ជុំរម្យស្រស់ស្រាយ។
-រមនាជ្រោះប៊ូស្រា ជ្រៃធំថ្លាជ្រោះសប្បាយ
ទឹកធ្លាក់គន់មិនណាយ រឿងខ្វល់ខ្វាយរលាយបាត់។
-ស្រល់ស្រោងបៃតងស្រស់ ដើមឈើច្បោះជម្រកសត្វ
ប្រឹក្សាខ្ចីស្រងាត់ ក្លាយទីណាត់ជុំគ្រួសារ។
-កម្សាន្តពេលបុណ្យទាន អ្នកក្រមានតាមត្រូវការ
គយគន់សព្វប្រឹក្សា សាកអាហារក្រុមអ្នកស្រុក។
-ភ្លក់ឡាបសម្លវ៉ែ មានបន្លែស្លសាច់បុក
ច្បាស់សល់ចាននិងតុ ម្ហូបអ្នកស្រុកឆ្ងាញ់ពិតៗ។
-ក្នុងដីល្បីមានរ៉ែ ក្រុមថៅកែជ្រែលៃគិត
មកតាំងពីឆ្ងាយជិត គ្មានភ័យភិតមឹតរកស៊ី។
-លើដីល្បីព្រៃឈើ សត្វមិនស្ទើរយកជាទី
ញ៉ាំងមណ្ឌលគិរី ជាទីជីវីចម្រុះ។
-ដីវិញជាតិអស្ចារ្យ គ្រប់រុក្ខាដាក់ដាំដុះ
បោះទុនមិនស្តាយខុស ឈ្មួញឡើងចុះដណ្តើមទិញ។
-ទុរេនចន្ទីស្វាយ ផ្សារមិនឆ្ងាយមិនខ្លាចជ្រេញ
បានផលផ្តល់លុយពេញ អ្នកលក់ ទិញបានដូចគ្នា៕
#រូបភាពពីហ្វេសប៊ុក Cambodia Amazing Trip Planner
-
ដោយ៖ Thmey Thmey 25
-
© រក្សាសិទ្ធិដោយ thmeythmey25.com