ផ្លូវប្រវែង៣២៥គីឡូម៉ែត្រ និងស្ពានចំនួន២៤ និងបានប៉ះពាល់ដោយទឹកជំនន់
ផ្លូវប្រវែង ៣២៥គីឡូម៉ែត្រ និងស្ពានចំនួន២៤កន្លែង បានរងផលប៉ះពាល់ដោយសារដោយជំនន់ទឹកភ្លៀង គិតត្រឹមថ្ងៃទី ១៥ ខែតុលា ឆ្នាំ២០២០។ នេះបើតាមលោក ស៊ុន ចាន់ថុល ទេសរដ្ឋមន្ត្រី និងជារដ្ឋមន្ត្រីក្រសួងសាធារណការ និងដឹកជញ្ជូន នាឱកាសដែលលោកត្រួតពិនិត្យស្ថានភាពផ្លូវ ដែលរងការគំរាមកំហែង តាមបណ្ដោយផ្លូវជាតិលេខ៣, ផ្លូលេខ៣, លេខ៤ និងផ្លូវជាតិលេខ៤១ នាព្រឹកថ្ងៃទី ១៦ ខែតុលា ឆ្នាំ២០២០។
លោក ស៊ុន ចាន់ថុល បានស្នើឲ្យរថយន្តធំៗ ផ្អាកចរាចរណ៍ជាបណ្ដោះអាសន្ន លើកំណាត់ផ្លូវជាតិលេខ ២,៣,៤,៥,២០,២០អា,២១,២១អា និង២១បេ ផងដែរ ដើម្បីបង្ការកុំឲ្យផ្លូវខូចខាតកាន់តែខ្លាំង។ ទន្ទឹមនឹងនោះ លោករដ្ឋមន្ត្រី បញ្ជាក់ថា ក្រសួងសាធារណការនឹងវាយតម្លៃពីផលប៉ះពាល់ និងស្នើសុំថវិកាដើម្បីធ្វើការជួសជុល នៅក្រោយគ្រោះធម្មជាតិនេះ។
បើតាមរបាយការណ៍ គណៈកម្មាធិការជាតិគ្រប់គ្រងគ្រោះមហន្តរាយ គិតត្រឹមថ្ងៃទី ១៥ ខែតុលា បានប៉ះពាល់ផ្ទះប្រជាជន ៤៧ ៩២៣ខ្នង, សាលារៀន ៤២៥កន្លែង, ស្ពាន ២៤កន្លែង,ផ្លូវជាតិ-ខេត្តប្រមាណ ២០២គីឡូម៉ែត្រ, និងផ្លូវលំជនបទប្រមាណ ១ ៤៥៩គីឡូម៉ែត្រ៕
-
ដោយ៖ Thmey Thmey 25
-
© រក្សាសិទ្ធិដោយ thmeythmey25.com