កញ្ញា ចៅ មនោរម្យ បង្ហាញរបៀបធ្វើជីកំប៉ុស្ត ពីសំណល់ផ្ទះបាយ
ភ្នំពេញ៖ ជីកំប៉ុស្ត ជាជីដែលផ្សំឡើងពីសារធាតុជាច្រើនមុខ រួមមានកាកសំណល់ផ្ទះបាយ ផ្លែឈើ លាមកសត្វ ឬរុក្ខជាតិផ្សេងៗជាដើម។ ជីកំប៉ុស្ត មានសារធាតុសំខាន់ សម្រាប់ដី ដោយសម្បូរទៅដោយសត្វល្អិត សារធាតុចិញ្ចើមជីវិត ជួយឱ្យដីមានជីវជាតិ និងដំណាំលូតលាស់បានល្អ។ កញ្ញា ចៅ មនោរម្យ ជាស្ថាបនិកលក់សម្ភារធ្វើជីកំប៉ុស្ត Compost City ដែលជាសម្ភារសម្រាប់កែច្នៃសំណល់ពីផ្ទះបាយ ទៅជាជីកំប៉ុស្ត។
ដើម្បីជ្រាបច្បាស់សូមអញ្ជើញលោក-អ្នកនាង ទស្សនាបទសម្ភាស រវាង កញ្ញា អ៊ុត រស្មី អ្នកសារព័ត៌មាន នៃសារព័ត៌មានថ្មីៗ ជាមួយកញ្ញា ចៅ មនោរម្យ ស្ថាបនិក Compost City ដូចតទៅ៖
កញ្ញា ចៅ មនោរម្យ ដែលជាកូនខ្មែរ កាត់បារាំងរូបនេះ ក៏បានបង្ហាញពីរបៀបធ្វើជីកំប៉ុស ដោយជំហានដំបូងត្រូវ យកកាកសំណាល់ផ្ទះបាយ ឬរុក្ខជាតិផ្សេងៗ លាយជាមួយជាតិកាបូន ដែលមានសារធាតុផ្សំដូចជា អាចម៍រណារ អង្កាម និងកាហ្វេ ឱ្យសប់រួចទុកវាក្នុងធុងរយៈពេល ២-៣ ខែ នឹងអាចយកប្រើបាន។ កញ្ញា មនោរម្យ បានបន្តថា ការធ្វើជីកំប៉ុស្តដោយខ្លួនឯងនោះ ចំណាយពេលតែ៥នាទីប៉ុណ្ណោះ ហើយវាក៏ជួយកាត់បន្ថយសំរាមនៅផ្ទះផងដែរ៕
-
ដោយ៖ Thmey Thmey 25
-
© រក្សាសិទ្ធិដោយ thmeythmey25.com