កាហ្វេលើភ្នំក្នុងឧទ្យានជាតិកែប កំពុងទាក់ទាញភ្ញៀវទេសចរចូលចិត្តថតរូប
កែប៖ ហាងកាហ្វេ LEDZEP Café ស្ថិតនៅលើភ្នំក្នុងឧទ្យានជាតិកែប កំពុងទាក់ទាញភ្ញៀវទេសចរ ត្បិតថា ភ្ញៀវអាចមើលឃើញពីទេសភាពដ៏ស្រស់ស្អាត និងគយគន់សម្រស់សមុទ្រ។ ភ្ញៀវទេសចរ ភាគច្រើនចូលចិត្តពិសារកាហ្វេ គយគន់ទេសភាពសម្រស់ធម្មជាតិនៅជើងភ្នំ និងថតរូបទុកជាអនុស្សាវរីយ៍។ ហាងនេះ មានទីតាំងស្ថិតក្នុងឧទ្យានជាតិកែប ដោយអ្នកដំណើរត្រូវដើរឡើងភ្នំចម្ងាយ ៣០០ម៉ែត្រពីមាត់ផ្លូវចូលឧទ្យានជាតិកែប។
កាហ្វេលើភ្នំ បានទាក់ទាញភ្ញៀវទេសចរយ៉ាងច្រើនដោយសារតែ ភ្ញៀវដែលទៅញាំកាហ្វេនៅហាងមួយនេះ អាចមើលឃើញទេសភាពដ៏ស្រស់ស្អាតនៅជុំវិញភ្នំ។ អ្នកនាង អ៊ុំ ចាន់នាង ម្ចាស់ហាងកាហ្វេលើភ្នំ បានប្រាប់ថ្មីៗ២៥ដូច្នេះថា៖ «ភ្ញៀវទេសចរអាចមើលឃើញទេសភាព ដូចជា កោះត្រល់ កោះដូង ផ្សារក្ដាម ភ្នំបូកគោ និងរីសត នៅខាងក្រោមភ្នំ»។
ដំណើរការក្នុងឆ្នាំ២០២០ ហាងកាហ្វេ LEDZEP Café ទទួលបានភ្ញៀវទេសចរប្រមាណ ១០០នាក់ក្នុងមួយថ្ងៃ។ «តាមពិតទៅហាងការហ្វេមានភ្ញៀវទៅលេងច្រើន ប៉ុន្តែខ្ញុំមិនអាចទទួលបានច្រើនពេកទេ។ ភ្ញៀវមួយចំនួន បានត្រឹមតែមកថតរូប ហើយចុះមកទៅវិញប៉ុណ្ណោះ»។ នេះជាការបញ្ជាក់បន្ថែមរបស់ម្ចាស់ហាងកាហ្វេរូបនេះ៕
