ថ្ងៃទី៨ ខែកក្កដា ឆ្នាំ២០២៣នេះ ជាខួប៦ឆ្នាំ នៃការដាក់បញ្ចូលតំបន់ប្រាសាទសំបូរព្រៃគុក ជាសម្បត្តិបេតិកភណ្ឌពិភពលោក។
អង្គការយូណេស្កូ បានអនុម័តចុះបញ្ជីប្រាសាទសំបូរព្រៃគុក ចូលក្នុងបញ្ជីបេតិកភណ្ឌពិភពលោក នៅយប់ថ្ងៃទី៨ ខែកក្កដា ឆ្នាំ២០១៧ ក្នុងទីក្រុង KRAKOW ប្រទេសប៉ូឡូញ នាកិច្ចប្រជុំប្រជុំកំពូលលើកទី៤១ នៃគណៈកម្មាធិការបេតិកភណ្ឌពិភពលោក។
ក្រោយចុះបញ្ជីជាសម្បត្តិបេតិកភណ្ឌពិភពលោក ប្រាសាទសំបូរព្រៃគុក ដែលស្ថិតនៅភូមិសំបូរ ឃុំសំបូរ ស្រុកប្រាសាទសំបូរ ខេត្តកំពង់ធំ បានក្លាយជាតំបន់ទេសចរណ៍វប្បធម៌ ប្រវត្តិសាស្ត្រ ដ៏ទាក់ទាញមួយ។ ប្រាសាទសំបូរព្រៃគុក កសាងឡើងនៅសតវត្សរ៍ទី៧ ក្នុងរជ្ជកាលស្តេច ឥសានវរ្ម័ន ក្នុងសម័យចេនឡា មានចំនួន២៩១ប្រាសាទ ដែលបែងចែងជាបីក្រុមសំខាន់ៗ គឺក្រុមប្រាសាទកណ្ដាល , ក្រុមប្រាសាទខាងត្បូង និងក្រុមប្រាសាទខាងជើង៕
សូមអញ្ជើញទស្សនាទិដ្ឋភាពប្រាសាទសំបូរព្រៃគុក ដែលផ្ដិតរូបភាពដោយ លោក ទូច សុវណ្ណឌី ដូចតទៅ៖
-
ដោយ៖ Thmey Thmey 25
-
© រក្សាសិទ្ធិដោយ thmeythmey25.com