កូនជ្រូកសន្សំលុយខ្នាតយក្ស របស់លោក អាន សុខអ៊ាង មានទីផ្សារខ្លាំង
ភ្នំពេញ៖ លោក អាន សុខអ៊ាង ជាម្ចាស់សិប្បកម្មផលិតកូនជ្រូកសន្សំលុយ នៅសង្កាត់ព្រែកលាភ។ លោក អាន សុខអ៊ាង បានប្រាប់សារព័ត៌មាន ThmeyThmey25 ថា លោកចាប់ផ្តើមរបរនេះ រយៈពេល៥ឆ្នាំហើយ និងមានផលិតកូនជ្រូកសន្សំលុយប្រមាណ១៧ប្រភេទ។ ហើយអ្វីដែលគួរឲ្យចាប់អារម្មណ៍នោះគឺ កូនជ្រូកសន្សំលុយខ្នាតយក្សមួយ អាចលក់ចេញក្នុងតម្លៃ៨ម៉ឺន ទៅ១០ម៉ឺនរៀល។ ម្ចាស់សិប្បកម្មរូបនេះ លើកឡើងថា កូនជ្រូកសន្សំលុយខ្នាតយក្សនេះ មួយថ្ងៃធ្វើបានចន្លោះ ពី២០ ទៅ២៥ជ្រូកប៉ុណ្ណោះ។ ទោះបីជាអ្នកមកទិញតែងតែតថ្លៃ ប៉ុន្តែកូនជ្រូកយក្សនេះ នៅតែមានទីផ្សារខ្លាំងដូចកូនជ្រូកតូចៗផងដែរ។ កូនជ្រូកសន្សំលុយគឺលក់ដាច់ ទាំងតូចនិងធំ៕
សូមអញ្ជើញទស្សនាវីដេអូ MoJo ខាងក្រោមដូចតទៅ៖
-
ដោយ៖ Thmey Thmey 25
-
© រក្សាសិទ្ធិដោយ thmeythmey25.com