រមណីយដ្ឋានវប្បធម៌ និងធម្មជាតិ៦កន្លែងនៅកំពង់ធំ មានសក្តានុពលខ្លាំង
ភ្នំពេញ៖ ខេត្តកំពង់ធំ ដែលស្ថិតនៅកណ្ដាលនៃប្រទេសកម្ពុជា មានចម្ងាយ១៦៨គីឡូ ម៉ែត្រពីរាជធានីភ្នំពេញ និងមានប្រជាជនរស់នៅចំនួន ៨០,៤៤០៩នាក់។ ខេត្តនេះមានរមណីយដ្ឋានវប្បធម៌ និងធម្មជាតិចំនួន៦កន្លែង សម្រាប់ទាក់ទាញទេសចរទៅកម្សាន្ត។ លោក សេង អាន ប្រធានមន្ទីរទេសចរណ៍ខេត្តកំពង់ធំ បញ្ជាក់ដូច្នេះនៅក្នុងសន្និសីទសារព័ត៌មាន ស្ដីពី«វឌ្ឍនភាព និងទិសដៅការងារបន្តរបស់រដ្ឋបាលខេត្តកំពង់ធំ» កាលពីថ្ងៃទី២៧ មិថុនានេះ។
ប្រធានមន្ទីរទេសចរណ៍ខេត្តកំពង់ធំដដែលបន្តថា រមណីយដ្ឋានទាំង៦ រួមមានរមណីយដ្ឋានប្រាសាទសំបូរព្រៃគុក, ប្រាសាទគុកនគរ, ភ្នំសន្ទុក, ស្ទឹងព្រៃប្រស់, បឹងសំរឹទ្ធិ និងរមណីយដ្ឋានស្ទឹងជីនិត។
សូមអញ្ជើញស្ដាប់ការរៀបរាប់របស់លោក សេង អាន ប្រធានមន្ទីរទេសចរណ៍ខេត្តកំពង់ធំដូចតទៅ៖
សូមបញ្ជាក់ថា ក្នុងឆ្នាំ២០១៩ ខេត្តកំពង់ធំ ទទួលបានភ្ញៀវទេសចរចំនួន ៣៧២,០២៧នាក់ ក្នុងនោះមានភ្ញៀវទេសចរជាតិចំនួន ៣៤៩,៥៣៤នាក់ និងភ្ញៀវទេសចរអន្តរជាតិចំនួន ២២,៤៣៩នាក់។ ដោយឡែក ក្នុងត្រីមាសទី១ ឆ្នាំ២០២០ មានភ្ញៀវទេសចរមកទស្សនាខេត្តកំពង់ធំសរុបចំនួន ៣២,៤៥៤នាក់៕
-
ដោយ៖ Thmey Thmey 25
-
© រក្សាសិទ្ធិដោយ thmeythmey25.com