សម្ដេច ហ៊ុន សែន ហាមមិនឱ្យវាយកម្ទេចស្ពានថ្មចាស់អាយុជាង១០០ឆ្នាំ នៅបាត់ដំបងឡើយ
ភ្នំពេញ៖ ពីពិធីចែកសញ្ញាបត្រដល់និស្សិតសាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច នៅព្រឹកថ្ងៃទី២៦ ធ្នូនេះ សម្ដេច ហ៊ុន សែន ប្រកាសមិនឱ្យវាយកម្ទេចស្ពានថ្មចាស់អាយុជាង១០០ឆ្នាំ ដែលសល់ពីសម័យបារាំង នៅក្នុងខេត្តបាត់ដំបងឡើយ។
«សូមបញ្ជាក់អ្វី(សំណង់ចាស់)ដែលលើសពី៥០ឆ្នាំទៅ គឺខិតខំរក្សា»។ នេះជាការប្រកាសរបស់នាយករដ្ឋមន្ត្រី ហ៊ុន សែន ដែលបានបញ្ជាឱ្យមន្ត្រី និងអាជ្ញាធរពាក់ព័ន្ធ ជួសជុលស្ពានថ្មចាស់សល់ពីសម័យបារាំងនោះឡើងវិញ ដើម្បីរក្សាទុកជាសំណងបេតិកភណ្ឌជាតិ។ជាពិសេសទុកឱ្យក្មេងជំនាន់ក្រោយបានស្គាល់។
**audio1**
**audio1**
បើតាមប្រមុខរដ្ឋាភិបាល រដ្ឋបាលខេត្តបាត់ដំបង ត្រូវតែសាងសង់ស្ពានថ្មី ដើម្បីឆ្លងកាត់ជំនួសស្ពានថ្មចាស់ ដែលត្រូវរក្សាទុកនេះ ហើយបញ្ចៀសពលរដ្ឋកុំឆ្លងកាត់ស្ពានចាស់។
relate
កាលពីថ្ងៃទី១៩ ធ្នូ រដ្ឋបាលខេត្តបាត់ដំបង បានប្រកាសរក្សាទុកស្ពានថ្មចាស់ដែលបន្សល់ពីសម័យអាណានិគមបារាំងនេះ ក្រោយពីរដ្ឋមន្ត្រីក្រសួងវប្បធម៌ និងវិចិត្រសិល្បៈ ដែលស្នើសុំឱ្យអភិរក្សស្ពានថ្មអាយុកាលជាង១០០ឆ្នាំនេះ។
ស្ពានថ្មនេះ ត្រូវបានស្ថាបនាឡើងក្នុងឆ្នាំ១៩១៦ ដែលមកដល់ពេលនេះមានអាយុកាល១០៣ឆ្នាំហើយ។ ស្ពាននេះស្ថិតក្នុងសង្កាត់ស្វាយប៉ោ ក្រុងបាត់ដំបង និងនៅទល់មុខសាលាខេត្ត។នេះបើយោងតាមរដ្ឋបាលខេត្តបាត់ដំបង៕
