ខេត្តព្រះវិហារ ស្ទឹងត្រែង រតនគិរី មណ្ឌលគិរី ប៉ៃលិន អាចចុះត្រជាក់់ដល់១៧អង្សាសេ
ភ្នំពេញ៖ ខេត្តចំនួន ៥ នៅតំបន់ជួរភ្នំដងរ៉ែក និងតំបន់ភាគឦសាន នឹងមានអាកាសធាតុចុះត្រជាក់ ក្នុងសីតុណ្ហភាពពី១៧-១៩អង្សាសេ ចាប់ពីថ្ងៃទី២៦ដល់២៩ធ្នូ។ ខេត្តទាំង៥នោះមាន ព្រះវិហារ ស្ទឹងត្រែង រតនគិរី មណ្ឌលគិរី និងខេត្តប៉ៃលិន។ ក្រៅពីខេត្តទាំង៥នេះ ខេត្តផ្សេងៗទៀត នឹងមានសីតុណ្ហភាពត្រឹម២២-២៤អង្សាសេ ផងដែរ។
បើយោងតាមសេចក្តីជូនដំណឹងរបស់ក្រសួងធនធានទឹក និងឧតុនិយម នាថ្ងៃទី២៣ធ្នូ ឆ្នាំ២០១៩ កត្កាដែលឱ្យនាំអាកាសធាតុនៅខេត្តកម្ពុជាចុះត្រជាក់បែបនេះ គឺដោយសារតែកម្ពុជាទទួលរងឥទ្ធិពលនៃជ្រលងសម្ពោធខ្ពស់ខ្សោយ។
ជាមួយនេះផងដែរ ក្រសួងធនធានទឹក បានបញ្ជាក់ថា ព្យុះទី២៩ ឈ្មោះ ហា្វន់ហ្វូន(PHANFONE) ដែលបានកើតឡើងក្នុងមហាសមុទ្រភាគខាងកើតប្រទេសហ្វីលីពីន ហើយបន្តដំណើរចូលសមុទ្រចិនខាងត្បូង គឺមិនមានឥទ្ធិពលអ្វីដល់កម្ពុជាឡើយ៕
-
ដោយ៖ Thmey Thmey 25
-
© រក្សាសិទ្ធិដោយ thmeythmey25.com