រដ្ឋបាលខេត្តបាត់ដំបង ហាមពលរដ្ឋឆ្លងកាត់ស្ពានថ្មចាស់មុខសាលាខេត្ត ដែលទ្រុឌទ្រោមខ្លាំង និងបែកប្រេះស្រាំ
ភ្នំពេញ៖ រដ្ឋបាលខេត្តបាត់ដំបង បានហាមពលរដ្ឋធ្វើដំណើរឆ្លងកាត់ស្ពានថ្មចាស់មុខសាលាខេត្ត ដោយសារតែស្ពាននេះ មានសភាពចាស់ទ្រុឌទ្រោម និងការបែកប្រេះស្រាំ។ បើតាមសេចក្ដីជូនដំណឹង របស់រដ្ឋបាលខេត្តបាត់ដំបង នៅថ្ងៃទី១៥ ធ្នូនេះ ការផ្អាកការធ្វើដំណើរនេះ គឺដើម្បីចៀសវាងស្កាត់គ្រោះថ្នាក់ជាយថាហេតុ ដោយសារការពុកផុយរបស់ស្ពាន។
សូមជម្រាបថា ស្ពានថ្មនៅមុខសាលាខេត្តបាត់ដំបង មានអាយុ១០៣ឆ្នាំ ត្រូវបានសាងសង់នៅឆ្នាំ១៩១៦ក្នុងសម័យអាណានិគមបារាំង៕
