សិស្សពូកែថ្នាក់ទី១២៖ ស្រីខ្លាំងអក្សរសិល្បិ៍ ប្រុសពូកែគណិត ខណៈព្រៃវែងនៅតែនាំមុខរូបវិទ្យា
ក្រសួងអប់រំ យុវជន និងកីឡា កាលពីថ្ងៃទី២៨ ខែមេសា បានចេញប្រកាសស្តីពីការទទួលស្គាល់សិស្សពូកែទូទាំងប្រទេសផ្នែកអក្សរសិល្បិ៍ខ្មែរ គណិតវិទ្យា និងរូបវិទ្យា ថ្នាក់ទី៩ និងថ្នាក់ទី១២ ឆ្នាំ២០១៩នេះ។ សិស្សពូកែ ដែលក្នុងមួយមុខវិជ្ជាមាន១០នាក់នោះ ត្រូវបានជ្រើសរើសចេញពីសម័យប្រឡងថ្ងៃទី២២ ខែមេសា នៅខេត្តសៀមរាប។
relate
មិនខុសពីថ្នាក់ទី៩ឡើយ ជ័យលាភីលេខ១មុខវិជ្ជាអក្សរសិល្បិ៍ខ្មែរសម្រាប់ថ្នាក់ទី១២ ក៏បានទៅលើសិស្សពីខេត្តកណ្តាលផងដែរ។ ជ័យលាភីនោះ គឺសិស្សស្រី តែ ហេងលី ពីវិទ្យាល័យសុវណ្ណភូមិ ខណៈសិស្សស្រី បាន ឧស្សាហ៍ ពីវិទ្យាល័យព្រៃព្នៅ ខេត្តព្រៃវែង បានលេខ២ និងសិស្សស្រី ម៉េង គឹមឡៃ ពីវិទ្យាល័យហ៊ុន សែន ភូមិថ្មី ខេត្តរតនគិរី បានលេខ៣។ ក្នុងចំណោមជ័យលាភីទាំង១០ មានសិស្សប្រុសតែពីររូបប៉ុណ្ណោះ។
សម្រាប់មុខវិជ្ជាគណិតវិទ្យា ជ័យលាភីទាំង១០រូប សុទ្ធតែជាសិស្សប្រុស ដោយ សាន គឹមស័ង ពីវិទ្យាល័យព្រះសីហនុ ខេត្តកំពង់ចាម បានលេខ១ ប៉ែន និធិ ពីវិទ្យាល័យហ៊ុនសែន សេរីភាព ខេត្តកណ្តាលបានលេខ២ និង អន ឧសា ពីវិទ្យាល័យអន្តរជាតិស្មាធឃីដ ខេត្តសៀមរាប បានលេខ៣ ។ ជ័យលាភី៧រូបទៀត មកពីតាកែវ ភ្នំពេញ (២រូប) បាត់ដំបង ស្វាយរៀង កណ្តាល និងក្រចេះ។
សិស្សពីខេត្តព្រៃវែង មិនត្រឹមតែបានលេខ១ នៅថ្នាក់ទី៩នោះទេ កម្រិតថ្នាក់ទី១២ ក៏នាំមុខគេផងដែរ។ សិស្សស្រី ឈ្មោះ កុច តុលា ពីវិទ្យាល័យមេសាង ខេត្តព្រៃវែង បានលេខ១ ដោយនាំមុខ ម៉ុក យ៉ុង ពីវិទ្យាល័យប៊ុនរ៉ានី ហ៊ុន សែន ដងទង់ ខេត្តកំពត និង សេង លាងហាក់ ពីវិទ្យាល័យព្រះមុនី្នវង្ស ខេត្តបាត់ដំបង។ ជ័យលាភី៧រូបទៀត មាន៤រូបពីភ្នំំពេញ ខណៈបាត់ដំបង ព្រៃវែង និងកំពត មានម្នាក់ៗបន្ថែមទៀត។
ប្រកាសដែលចុះហត្ថលេខាដោយលោករដ្ឋមន្ត្រី ហង់ ជួន ណារ៉ុន បានបញ្ជាក់ថា សិស្សពូកែទាំងនោះទទួលវិញ្ញាបនបត្របញ្ជាក់សិស្សពូកែទូទាំងប្រទេសម្នាក់១ច្បាប់ ហើយអ្នកបានចំណាត់ថ្នាក់ពីលេខ១ ដល់លេខ៣ ទទួលបានមេដាយម្នាក់មួយគ្រឿង។
សម្រាប់ប្រាក់រង្វាន់ ចំណាត់ថ្នាក់លេខ១ ទទួលបានថវិកាចំនួន៣លាន៥សែនរៀល លេខ២ ទទួលបាន៣លាន២សែនរៀល លេខ៣ បាន២លាន៩សែនរៀល លេខ៤ បាន២លាន៦សែនរៀល លេខ៥ បាន២លាន៣សែនរៀល លេខ៦បាន២លានរៀល លេខ៧ បាន១លាន៧សែនរៀល លេខ៨បាន១លាន៤សែនរៀល លេខ៩ បាន ១លាន១សែនរៀល និងលេខ១០ បាន ៨សែនរៀល រួមទាំងថវិកា ឬវត្ថុផ្សេងៗពីសប្បុរសជន៕
ប្រកាសដែលចុះហត្ថលេខាដោយលោករដ្ឋមន្ត្រី ហង់ ជួន ណារ៉ុន បានបញ្ជាក់ថា សិស្សពូកែទាំងនោះទទួលវិញ្ញាបនបត្របញ្ជាក់សិស្សពូកែទូទាំងប្រទេសម្នាក់១ច្បាប់ ហើយអ្នកបានចំណាត់ថ្នាក់ពីលេខ១ ដល់លេខ៣ ទទួលបានមេដាយម្នាក់មួយគ្រឿង។
សម្រាប់ប្រាក់រង្វាន់ ចំណាត់ថ្នាក់លេខ១ ទទួលបានថវិកាចំនួន៣លាន៥សែនរៀល លេខ២ ទទួលបាន៣លាន២សែនរៀល លេខ៣ បាន២លាន៩សែនរៀល លេខ៤ បាន២លាន៦សែនរៀល លេខ៥ បាន២លាន៣សែនរៀល លេខ៦បាន២លានរៀល លេខ៧ បាន១លាន៧សែនរៀល លេខ៨បាន១លាន៤សែនរៀល លេខ៩ បាន ១លាន១សែនរៀល និងលេខ១០ បាន ៨សែនរៀល រួមទាំងថវិកា ឬវត្ថុផ្សេងៗពីសប្បុរសជន៕
