ឧទ្យានច្នៃប្រឌិតវប្បធម៌កម្ពុជា-ចិន តម្លៃជាង៧០លានដុល្លារនៅសៀមរាប នឹងបើកឲ្យទេសចរ ចូលទស្សនានៅឆ្នាំ២០២០
ភ្នំពេញ៖ «ឧទ្យានច្នៃប្រឌិតវប្បធម៌កម្ពុជា-ចិន» ដែលក្រុមហ៊ុនចិនមួយកំពុងសាងសង់ នៅលើផ្ទៃដីប្រមាណ ៣,៣ហិកតា នៅខេត្តសៀមរាប គ្រោងបើកឲ្យភ្ញៀវទេសចរ ចូលទស្សនា ឈ្វេងយល់ ពីវប្បធម៌ខ្មែរ និងចិន នៅឆ្នាំ២០២០ខាងមុខ។ ឧទ្យានច្នៃប្រឌិតវប្បធម៌កម្ពុជា-ចិនត្រូវបានក្រុមហ៊ុនចិនបោះទុន ជាង៧០លានដុល្លារ សម្រាប់ការសាងសង់។ នេះបើយោងតាមសារព័ត៌មានជាតិ AKP។
ក្រោយពេលសាងសង់រួច ឧទ្យាននេះ នឹងក្លាយជាបណ្ដុំនៃតំបន់ទេសចរណ៍បែបវប្បធម៌ រួមមាន រោងមហោស្រ ពញញឹមអង្គរ១,៥០០ កៅអី សារមន្ទីរ Zhou Daguan មជ្ឈមណ្ឌលវប្បធម៌សម័យចេនឡា មជ្ឈមណ្ឌលផ្លាស់ប្តូរវប្បធម៌កម្ពុជា-ចិន មជ្ឈមណ្ឌលពិព័រណ៍ផលិតផលវប្បធម៌ និងភោជនីយដ្ឋាន ជាដើម។
លោក ង៉ូវ សេងកាក់ ប្រធានមន្ទីរទេសចរណ៍ខេត្តសៀមរាប បាននិយាយថា ឧទ្យានច្នៃប្រឌិតវប្បធម៌កម្ពុជា-ចិន គឺមានសារៈសំខាន់ណាស់ សម្រាប់បង្ហាញវប្បធម៌កម្ពុជា-ចិន ជាពិសេសការបង្ហាញពីវប្បធម៌ខ្មែរ ព្រោះនៅក្នុងឧទ្យាននេះ មានសម្តែងពីវប្បធម៌ខ្មែរច្រើន ដូចជា ការកសាងអង្គរ ចម្បាំងរបស់កងទ័ពខ្មែរនៅសម័យបុរាណ និងការបង្ហាញពីទំនៀមទំលាប់ប្រពៃណីខ្មែរជា ច្រើនផ្សេងទៀត៕
-
ដោយ៖ Thmey Thmey 25
-
© រក្សាសិទ្ធិដោយ thmeythmey25.com