ខ្លាឃ្មុំខាំសត្វគោមួយក្បាលងាប់ នៅខេត្តបាត់ដំបង
បាត់ដំបង៖ សត្វគោមួយក្បាលរបស់អ្នកភូមិត្រូវបានគេប្រទះឃើញងាប់ ដោយសារតែសត្វខ្លាឃ្មុំខាំ។ នេះបើតាមមន្ទីរបរិស្ថានខត្តបាត់ដំបង។
មូលហេតុដែលសមត្ថកិច្ចសន្និដ្ឋានថា ជាសត្វឃ្មុំខាំនេះ ដោយសារសមត្ថកិច្ចបានប្រទះឃើញមានដានជើងរបស់ខ្លាឃ្មុំនៅលើដី និងមានរោមខ្លាឃ្មុំជាប់ស្នាមរបួសនៅត្រង់បំពង់កក្រោម និងខ្ទង់ច្រមុះសត្វគោ។ សត្វគោដែលងាប់នេះ គឺមានម្ចាស់ឈ្មោះ ស៊ុន ភាព ដែលជាអ្នករស់នៅក្នុងភូមិស្ទឹងតូច ឃុំកំពុងល្ពៅ ស្រុកសំឡូត ខេត្តបាត់ដំបង កាលពីថ្ងៃទី១៨ ខែឆ្នូ។ នេះបើតាមការផ្សាយព័ត៌មានរបស់ក្រសួងបរិស្ថាន។
រូបភាពពីក្រសួងបរិស្ថាន
រូបភាពពីក្រសួងបរិស្ថាន
នៅក្នុងតំបន់ធម្មជាតិខេត្តបាត់ដំបង ជាជម្រករស់នៅរបស់ហ្វូងខ្លាឃ្មុំព្រៃ ដែលខ្លះមានទំងន់ចាប់ពី១៤០គីឡូក្រាម។ លោកប្រធានមន្ទីរបរិស្ថានខេត្តបាត់ដំបង លោក កត បូរ៉ាន បញ្ជាក់ថា តំបន់ការពារនិងអភិរក្សធនធានធម្មជាតិ បានល្អប្រសើរក្នុងរយៈពេល១០កន្លងមកនេះ ។ជាពិសេសនៅក្នុងខេត្តបាត់ដំបង មានវត្តមានសត្វព្រៃកើនឡើងច្រើន ដូចជាសត្វខ្លាឃ្មុំ និងខ្លារខិន។ នេះបើតាមការសង្កេតមើលពីកាមេរ៉ាសុវត្ថិភាពដែលដាក់នៅក្នុងព្រៃតំបន់ធម្មជាតិ។
រូបភាពពីក្រសួងបរិស្ថាន
ទន្ទឹមនឹងនេះ ក្រសួងបរិស្ថានបានបង្កើត និងគ្រប់គ្រងតំបន់ការពារធម្មជាតិ ចំនួន៥១កន្លែង ប្រកបដោយប្រសិទ្ឋភាព និងល្អប្រសើរ លើផ្ទៃដីប្រមាណ៧,៥លានហិកតា ដើម្បីឃ្លាំមើល និងការពារសត្វព្រៃ៕
រូបភាពពីក្រសួងបរិស្ថាន
-
ដោយ៖ Thmey Thmey 25
-
© រក្សាសិទ្ធិដោយ thmeythmey25.com