ស្ថានីយប្រេងឥន្ធនៈចំនួន១៤ លក់មិនគ្រប់លីត្រ ក្នុងខេត្តតាកែវ
តាកែវ៖ មន្ត្រីកាំកុងត្រូលសាខាខេត្តតាកែវ បានរកឃើញស្ថានីយ/ដេប៉ូ ចំនួន ៩ ធ្វើអាជីវកម្មមិនត្រឹមត្រូវ ក្នុងចំណោមស្ថានីយដែលត្រូវបានត្រួតពិនិត្យសរុប ១៣។
មន្ត្រីជំនាញកាំកុងត្រូល នៅថ្ងៃទី១៣ និងទី១៤ខែវិច្ឆិកា បានធ្វើប្រតិបត្តិការត្រួតពិនិត្យស្ថានីយចំនួន១៩ ក្នុងខេត្តតាកែវ។ ជាលទ្ធផល មន្ត្រីជំនាញបានរកឃើញស្ថានីយ ៣ទីតាំងលក់ប្រេងមិនត្រឹមត្រូវទាំងគុណភាព និងបរិមាណ និង១១ទីតាំងទៀតលក់មិនគ្រប់លីត្រ។
ម្ចាស់ស្ថានីយចំនួន៦ ត្រូវបានមន្ត្រីកាំកុងត្រូលតម្រូវឲ្យចុះកិច្ចសន្យាកែកំហុសលើកទី១។ ចំណែកស្ថានីយចំនួន៨ទៀត ត្រូវចុះកិច្ចសន្យាកែកំហុសលើកទី២ ហើយត្រូវបញ្ចេញឈ្មោះជាសាធារណៈ និងប្រឈមនីតិវិធីតាមផ្លូវតុលាការ បើរកឃើញកំហុសលើកទី៣៕
