ការវះកាត់បកបាយភ្នែកដោយឥតគិតថ្លៃ សម្រាប់ប្រជាលរដ្ឋដែលរស់នៅខេត្តកំពង់ចាម
ក្រុមគ្រូពេទ្យចិនដែលមានជំនាញខាងជំងឺភ្នែក បានសហការជាមួយមន្ទីរសុខាភិបាលខេត្តកំពង់ចាម នឹងវះកាត់បកបាយភ្នែកដល់ប្រជាពលដ្ឋដែលរស់នៅខេត្តកំពង់ចាមដោយឥតគិតថ្លៃ ចាប់ពីថ្ងៃទី៣ ដល់ថ្ងៃទី២៨ ខែកញ្ញា នេះ។ នេះបើតាមសេចក្ដីជូនដំណឹងនៃមន្ទីរសុខាភិបាលខេត្តកំពង់ចាម និងបានបន្តថា ប្រជាពលរដ្ឋដែលមានបញ្ហាភ្នែកឡើងបាយ អញ្ជើញមកចុះឈ្មោះនៅអាគារជំងឺភ្នែក នៅមន្ទីរពេទ្យកំពង់ចាម ចាប់ពីថ្ងៃជូនដំណឹងនេះ រៀងរាល់ម៉ោងធ្វើ។
«ការវះកាត់បកបាយភ្នែកនេះ ធ្វើឡើងដោយឥតបង់ប្រាក់ឡើង»។ នេះជាការបញ្ជាក់នៃមន្ទីរសុខាភិបាលខេត្តកំពង់ចាម ដោយបានបន្ថែមថា ការពិនិត្យព្យាបាលជំងឺភ្នែកផ្សេងៗក្រៅពីឡើងបាយភ្នែក ត្រូវបង់ថ្លៃសេវាធម្មតា។
សម្រាប់ព័ត៌មានបន្ថែមអាចទំនាក់ទំនងទៅកាន់លេខទូរសព្ទ៖ ០១២ ៩២៣ ០៨៨, ០៩៣ ៥១៨ ៨៨៦, ០៨៨ ៧៩៥ ៤០៨៥៕
