អស្ចារ្យ! កីឡាករម៉ូតូទឹក សាលី អ៊ូមើត ឈ្នះមេដាយសំរឹទ្ធពីកីឡាអាស៊ីជូនកម្ពុជា
កីឡាករ សាលី អ៊ូមើត អាយុ២៦ឆ្នាំ បានឈ្នះមេដាយសំរឹទ្ធកីឡាអាស៊ីលើវិញ្ញាសា Runabout 1100 Stock នៃប្រភេទកីឡាម៉ូតូទឹក (Jet-Ski) នៅទីតាំង Jet-Ski Indonesia Academy នៃឆ្នេរ Ancol Beach នាថ្ងៃសៅរ៍ ទី២៥ ខែសីហានេះ។
សាលី អ៊ូមើត និងម៉ឺន មូសស្តាន ស្ថិតក្នុងចំណោមកីឡាករសរុប១៤នាក់ ដែលបានចូលរួមប្រកួតប្រជែងលើវិញ្ញសាដោយការប្រកួតមាន៤ជុំ។ នៅជុំទីមួយ សាលីរកបាន៣៩ពិន្ទុ បន្ទាប់មក៤៨ពិន្ទុ ៤៣ពិន្ទុ រីឯមូសស្តាន រកបាន៣០ពិន្ទុ ៣៣ពិន្ទុ ២២ពិន្ទុ។
សម្រាប់វិញ្ញាសា Runabout Limited ដែលប្រកួតបញ្ចប់កាលពីថ្ងៃសុក្រ កីឡាការិនីអេមីរ៉ាតអារ៉ាប់រួម Allanjawi Ali បានមេដាយមាស ខណៈ មេដាយប្រាក់ និងសំរឹទ្ធបានលើកីឡាករឥណ្ឌូណេស៊ី Aero Sutan Aswar Aero និង Aqsa Sutan Aswar Aqsa៕
