អ្នកធ្វើដំណើរតាមយានយន្តឆ្លងកាត់ផ្លូវលេខ២១ មិនតម្រូវឲ្យបង់ប្រាក់ទៀតឡើយ
តាកែវ៖ ប្រជាពលរដ្ឋ និងអ្នកប្រកបរបរអាជីវកម្មយានយន្តដឹកទំនិញ យានយន្តដឹកអ្នកដំណើរ និងយានយន្តគ្រប់ប្រភេទទាំងអស់ ដែលឆ្លងកាត់ផ្លូវបង់ប្រាក់លេខ២១ ដោយភ្ជាប់ពីផ្លូវលេខ២ ខាងលិចមន្ទីរសុខាភិបាល មកទល់នឹងផ្លូវលេខ១២៥ក ឬហៅថាផ្លូវវាងក្រុង មិនចាំបាច់បង់ប្រាក់ទៀតឡើយ ចាប់ពីថ្ងៃទី១៤ ខែសីហា ម៉ោង១២យប់នេះ ។ នេះបើតាមសេចក្ដីជូនដំណឹងរបស់លោក អ៊ូច ភា អភិបាលខេត្តតាកែវថ្ងៃទី១៤ ខែសីហា។
រដ្ឋបាលខេត្តតាកែវបាន លើកឡើងថា ការឱ្យអ្នកដំណើរគ្រប់ប្រភេទអស់លែងបង់ប្រាក់នេះ ដោយមានការសម្រេច ពីសម្ដេចនាយករដ្ឋមន្ត្រី ហ៊ុន សែន ដើម្បីចូលរួមចំណែកលើកកម្ពស់ជីវភាពរស់នៅរបស់ប្រជាពលរដ្ឋ៕
-
ដោយ៖ Thmey Thmey 25
-
© រក្សាសិទ្ធិដោយ thmeythmey25.com