គណបក្សប្រជាជនកម្ពុជា ទទួលបានសំឡេងគាំទ្រ១៧ ៤៧២សំឡេង ស្មើ៧៨,៧៤ភាគរយ ពីការបោះឆ្នោតជ្រើសតាំងតំណាងរាស្ត្រ នីតិកាលទី៦ ឆ្នាំ២០១៨។ នេះបើតាមលទ្ធផលបឋមដែលផ្សាយដោយគណៈកម្មាធិការជាតិរៀបចំការបោះឆ្នោត។
ខេត្តកែប មាន៦៧ការិយាល័យ ដោយអ្នកមានឈ្មោះក្នុងបញ្ជីមានចំនួន ២៤ ៣៧៧នាក់។ របាយការណ៍បឋមបង្ហាញថា អ្នកទៅបោះឆ្នោតមាន២២ ១៩០នាក់ ស្មើ៩១,០៣ភាគរយ ក្នុងនោះសន្លឹកឆ្នោតបានការមាន២១ ២៦៦សំឡេង និងមិនបានការមាន៩២៤ ។
ក្នុងចំណោមគណបក្សទាំង៩ដែលចូលរួមប្រកួតប្រជែងយក១អាសនៈនៅខេត្តកែបនេះ គណបក្សដែលទទួលបានការគាំទ្រលំដាប់បន្ទាប់គឺ គណបក្សហ្វ៊ុនស៊ិនប៉ិច ១១២៤សំឡេង (៥,០៧ភាគរយ) គណបក្សឆន្ទះខ្មែរ ៨៧៥សំឡេង (៣,៩៤ភាគរយ) និងគណបក្សសម្ព័ន្ធដើម្បីប្រជាធិបតេយ្យ ៨២០ (៣,៧០ភាគរយ)។
លោក ចម ប្រសិទ្ធ ជាបេក្ខជនពេញសិទ្ធិរបស់គណបក្សប្រជាជនកម្ពុជា ខណៈលោក ងួន ប៊ៀន លោក សំ សាវីន និងលោកស្រី អ៊ុល ភីរុណ ឈរជាបេក្ខជនបម្រុង៕
-
ដោយ៖ Thmey Thmey 25
-
© រក្សាសិទ្ធិដោយ thmeythmey25.com