សូមប្រុងប្រយ័ត្ន! ទឹកបាក់ទំនប់ពីឡាវ ហូរលិចតំបន់មួយចំនួននៅខេត្តស្ទឹងត្រែងហើយ!
មកដល់វេលាព្រឹកព្រលឹមថ្ងៃទី ២៥ ខែកក្កដា ឆ្នាំ ២០១៨ នេះ តំបន់មួយចំនួននៅព្រំដែនកម្ពុជា-ឡាវ បានលិចលង់ ដោយសារទឹកជំនន់ដែលហូរចេញពីការបាក់ទំនប់ Se-Pian Se Nam Noi ក្នុងខេត្ត Attapeu ប្រទេសឡាវ។
បើតាមក្រសួងធនធានទឹក និងឧតុនិយម តំបន់មួយចំនួននៅក្នុងឃុំថ្មកែវ ឃុំសន្តិភាព និងឃុំសេកុង នៃស្រុកសៀមប៉ាង ខេត្តស្ទឹងត្រែង ត្រូវជន់លិច ខណៈ ទឹកទន្លេសេកុង កបានហក់ឡើងដល់កម្ពស់ ១១,៣០ ម (កម្រិតប្រកាសឱ្យប្រុងប្រយ័ត្នមានកម្ពស់ ១១,៥០ ម) ។ អាជ្ញាធរខេត្ត បាន និងកំពុងជម្លៀសបងប្អូនប្រជាពលរដ្ឋទៅកាន់ទីទួលសុវត្ថិភាព ៕
