ភ្ញៀវទេសចរ២០ម៉ឺននាក់ទៅលេង«សង្ក្រាន្តព្រៃវែង» ក្នុងថ្ងៃចូលឆ្នាំខ្មែរ
ព្រៃវែង៖ ភ្ញៀវទេសចរ២០ម៉ឺននាក់ បាននាំគ្នាទៅលេងកម្សាន្ត «សង្ក្រាន្តព្រៃវែង» ដែលបានរៀបចំរយៈពេល៣ថ្ងៃ ក្នុងពិធីបុណ្យចូលឆ្នាំខែ្មរ។ នេះបើតាម ខៀវ ភារិទ្ធ ប្រធានគណៈកម្មាធិការសហភាពសហព័ន្ធយុវជនកម្ពុជា។
សម្រាប់សង្ក្រាន្តព្រៃវែង រយៈពេល៥ថ្ងៃ (១២ ដល់ ១៦មេសា ឆ្នាំ២០១៨) បានបញ្ចប់ទៅយ៉ាងរលូនប្រកបដោយភាពសប្បាយរីករាយ ពោលគឺគ្មានអំពើហិង្សា ឬបាតុភាពអសកម្មអ្វីមួយកើតឡើងនោះទេ។នេះបើតាមលោក ស សុខា អ្នកតំណាងរាស្ត្រមណ្ឌលព្រៃវែង និងជាអនុប្រធានសហភាពសហព័ន្ធយុវជនកម្ពុជា។
លោក ស សុខា បានសរសេរលើហ្វេសប៊ុកដូច្នេះថា៖«ទាំងនេះ ជាសមិទ្ធផល នៃកិច្ចខិតខំប្រឹងប្រែងមិនខ្លាចនឿយហត់របស់ភាគីពាក់ព័ន្ធទាំងអស់ ជាមួយនឹងការចូលរួមយ៉ាងសស្រាក់សស្រាំរបស់បងប្អូនប្រជាពលរដ្ឋយើង។ខ្ញុំសង្ឃឹមយ៉ាងមុតមាំថា យើងទាំងអស់គ្នានឹងធ្វើបានល្អជាងនេះ នាសង្ក្រាន្តព្រៃវែងលើកក្រោយៗទៀត»។
សង្ក្រានព្រៃវែង មានការរៀបចំដោយគ្រប់គណៈកម្មការ អនុគណ:កម្មការ យុវជនអ្នកស្ម័គ្រចិត្ត សិល្បករ សិល្បការិនី រដ្ឋបាលខេត្ត កងកម្លាំងប្រដាប់អាវុធ ព្រមទាំងសប្បុរសជន ដែលបានសហការរៀបចំព្រឹត្តិការណ៍នេះ៕
-
ដោយ៖ Thmey Thmey 25
-
© រក្សាសិទ្ធិដោយ thmeythmey25.com