កាំកុងត្រូល រកឃើញទំនិញខូចគុណភាពមួយចំនួននៅផ្សារមួយកន្លែងនៅព្រៃវែង
ព្រៃវែង៖ មន្ត្រីកាំកុងត្រូល បានរកឃើញទំនិញខូចគុណភាពចំនួន ១០មុខ ស្មើនឹង ១១៩គីឡូក្រាម នៅផ្សារច្រេស ខេត្តព្រៃវែង។
ក្នុងប្រតិបត្តិការចុះត្រួតពិនិត្យទំនិញនៅផ្សារច្រេស ស្ថិតក្នុងឃុំច្រេស ស្រុកមេសាង ខេត្តព្រៃវែង បានរកឃើញទំនិញខូចគុណភាពហួសកាលបរិច្ឆេទប្រើប្រាស់ចំនួន ១០មុខ។ ទំនិញខូចគុណភាពទាំងនោះរួមមាន ទឹកក្រូច ទឹកសណ្ដែកស្រាបៀរ ទឹកដោះគោខាប់ ពោតកំប៉ុងកាពិ ទឹកផ្លែឈើ ភេសជ្ចៈសាម៉ារ៉ៃ ចាហួយដូង និងឡេល្ពៅគ្មានផ្លាកសញ្ញត្រឹមត្រូវ។
មន្ត្រីកាំកុងត្រូលបានដកហូតទំនិញទាំងនោះ និងបានណែនាំអាជីវករអំពីរបៀបមើលសុពលភាពផលិតផល ដើម្បីបញ្ចៀសបញ្ហាទាំងនេះនៅថ្ងៃក្រោយ៕
