រដ្ឋាភិបាល​គ្រោង​សាងសង់​ស្ពាន​៣​បន្ថែមទៀត​

30/11/-0001 12:00 am ត្បូងឃ្មុំ

​ភ្នំពេញ​៖ រដ្ឋាភិបាល​គ្រោង​កសាង​ស្ពាន​៣​បន្ថែមទៀត ដើម្បី​រៀបចំ​ហេដ្ឋារចនាសម្ព័ន្ធ​ក្នុងប្រទេស​ឲ្យ​កាន់តែ​ប្រសើរ ក្នុង​ការជួយ​សម្រួលកា​រ​ធ្វើដំណើរ​របស់​ប្រជាពលរដ្ឋ​។ ថ្លែង​ក្នុង​ពិធី​សម្ពោធ​ការដ្ឋាន​ស្ពាន​ស្រុក​ស្ទឹងត្រង់​-​ស្រុក​ក្រូចឆ្មារ ដែលជាហិរញ្ញប្បទានពីចិន សម្ដេច ហ៊ុន សែន បាន​និយាយថា ស្ពាន​ទាំង​៣ ដែល​ស្ថិតនៅក្នុង​គម្រោង​របស់​រដ្ឋាភិបាល​នេះ មាន​ទីតាំង​ស្ថិតនៅតាម​ដង​ទន្លេមេគង្គ គឺ​ស្ពាន​ឆ្លង​ពី​ខេត្តក្រចេះ​ទៅ​កំពង់ធំ ,​ស្ពាន​ត​ភ្ជាប់​ជ្រោយចង្វារ​ឆ្លងទៅ​អរិយ​ក្សត្រ និង​ស្ពាន​នៅ​តំបន់​ក្តី​តា​កុយ​។​



​សូម​ស្ដាប់​សំឡេង​៖

**audio2**


​ស្ពាន​មិត្តភាព​កម្ពុជា​-​ចិន ស្ទឹងត្រង់​-​ក្រូចឆ្មារ ត្រូវបាន​បើក​ការដ្ឋាន​សាងសង់ នៅ​ថ្ងៃទី​៩​ខែកុម្ភៈ​នេះ​។ ស្ពានបេតុង​នេះ​មាន​ប្រវែង ១១៣១​ម៉ែត្រ និង​ទទឹង ១៣,៥​ម៉ែត្រ ដែល​ត​ភ្ជាប់​ចេញ​ចំណុច​ឃុំ​ព្រែកកក់ ស្រុក​ស្ទឹងត្រង់ ខេត្តកំពង់ចាម ទៅ​ត្រើយ​ខាងកើត ត្រង់ចំណុច​ឃុំ​ទ្រា ស្រុក​ក្រូចឆ្មារ ខេត្ត​ត្បូងឃ្មុំ​។ ការស្ថាបនា​ស្ពាន​នេះ គ្រោង​នឹង​បញ្ចប់​នៅ​ឆ្នាំ​២០២១ ។​

​ការកសាង​ស្ពាន​នេះ និង​កំណត់​ផ្លូវ​ត​ភ្ជាប់​ជាង ៨​គីឡូម៉ែត្រ ត្រូវ​ចំណាយ​ថវិកា​ជិត ៥៧​លាន​ដុល្លារ ដែលជា​ហិរញ្ញប្បទាន​សម្បទាន​ពី​រដ្ឋាភិបាល​ចិន រួម​នឹង​ថវិកាបដិភាគ​របស់រ​ដ្ឋា​ភិ​បាល​កម្ពុជា​។ នេះ​បើតាម​ការ​ថ្លែង​របស់លោក ស៊ុន ចាន់ថុល រដ្ឋមន្ត្រីក្រសួង​សាធារណការ និង​ដឹកជញ្ជូន​។

​ក្រៅពី​ស្ពាន​ខាងលើនេះ រដ្ឋាភិបាល​ចិន​បានផ្ដល់​ជំនួយ​សាង​សងស្ពាន​ចំនួន​៧​កន្លងមកហើយ ក្នុង​រួមមាន​ស្ពាន​មិត្តភាព​កម្ពុជា​-​ចិន សេកុង , ស្ពាន​មិត្តភាព​កម្ពុជា​-​ចិន ស្ទឹងត្រែង ,​ស្ពាន​មិត្តភាព​កម្ពុជា​-​ចិន ស្ទឹងត្រង់​-​ក្រូចឆ្មារ ,​ស្ពាន​មិត្តភាព​កម្ពុជា​-​ចិន ព្រែក​តា​ម៉ាក ,​ស្ពាន​មិត្តភាព​កម្ពុជា​-​ចិន ព្រែក​ក្ដាម​, ស្ពាន​មិត្តភាព​កម្ពុជា​-​ចិន ជ្រោយចង្វារ ,​ស្ពាន​មិត្តភាព​កម្ពុជា​-​ចិន តាខ្មៅ និង​ស្ពាន​មិត្តភាព​កម្ពុជា​-​ចិន កោះធំ​៕



ព័ត៌មានទាក់ទង