កោះកុង៖ លោក នៃ អុល ជាម្ចាស់«អណ្ដើកហ្លួង»ញី អាយុជិត៦០ឆ្នាំមួយក្បាល។ អតីតប្រធានការិយាល័យជលផលខេត្តកោះកុងរូបនេះ បានទិញវាពីប្រជាពលរដ្ឋ មកចិញ្ចឹមតាំងពីឆ្នាំ២០០០។ រយៈពេលជិត២០ឆ្នាំមកនេះ លោកចាត់ទុក«អណ្ដើកហ្លួង»ដូចជាកូនទៅហើយ ទោះជាគេសុំទិញក្នុងតម្លៃ៥ពាន់ដុល្លារ ក៏មិនលក់ផង។ ទោះមិនលក់ក៏ដោយ ក៏លោកនៅតែត្រូវឃ្លាតឆ្ងាយកូន«អណ្តើហ្លូង»នេះទាំងអាឡោះអាល័យដែរ ព្រោះនៅពេលនេះ លោក សម្រេចប្រគល់វា ទៅឲ្យក្រុមអភិរក្ស ដើម្បីឲ្យគេថែរក្សា និងបង្កាត់ពូជ។
ដើម្បីជ្រាបច្បាស់ សូមអញ្ជើញទស្សនាវីដេអូ ខាងក្រោមនេះ៖
លោក នៃ អុល បានបរិច្ចាគអណ្ដើកហ្លួងញីឈ្មោលចំនួន ២ក្បាល ដល់មជ្ឈមណ្ឌលអភរិក្សសត្វល្មូនក្នុងខេត្តកោះកុង របស់អង្គការសមាគមអភិរក្សសត្វព្រៃ ( WCS)។
«អណ្ដើកហ្លួង» ជាប្រភេទសត្វល្មូនតំណាងប្រទេសកម្ពុជា និងត្រូវគេចាត់ទុកថាកំពុងរងគ្រោះថ្នាក់ជិតផុតពូជ។ តាមរបាយការណ៍អង្គការអភិរក្សសត្វព្រៃ «អណ្ដើកហ្លួង» មានវត្តមាននៅប្រទេសកម្ពុជា ឥណ្ឌូណេស៊ី ម៉ាឡេស៊ី និងថៃ ហើយនៅលើសាកលលោក អណ្ដើកហ្លួងមានប្រមាណពី ៥០០ ទៅ ៧០០ក្បាលប៉ុណ្ណោះ៕
-
ដោយ៖ Thmey Thmey 25
-
© រក្សាសិទ្ធិដោយ thmeythmey25.com